ءبىرىنشى ورتا سالماقتا ب ا ق سىنايتىن قازاقستاندىق كاسىپقوي بوكسشى قانات يسلام 14 تامىزدا جاپون بوكسشىسى يوشيحيرو كامەگايمەن (27-4-2، 24 كو) جۇدىرىقتاسادى، - دەپ حابارلايدى Vesti.kz. جەكپە-جەك اقش-تىڭ كاليفورنيا شتاتىندا وتەدى. ال قاي قالادا جانە قاي ارەنادا بولاتىنى ازىرگە بەلگىسىز.   

35 جاستاعى جاپون بوكسشىسى وتكەن جىلدىڭ تامىز ايىندا پۋەرتو-ريكالىق بوكسشى ميگەل كوتتومەن جۇدىرىقتاسقان. تورەشىلەر شەشىمى بويىنشا قارسىلاسىنا ەسە جىبەرگەن. كارسوندا وتكەن بۇل كەزدەسۋدە WBO تۇجىرىمى بويىنشا چەمپيوندىق بوس بەلبەۋگە تالاسقان ەدى.      

يوشيحيرو كامەگاي كاسىپقوي بوكستا 33 جەكپە-جەك وتكىزگەن. 27 رەت جەڭىسكە جەتكەن. 24 قارسىلاسىن نوكاۋتپەن ۇتقان. 4 رەت جەڭىلىپ، 2 رەت قارسىلاسىمەن تەڭ تۇسكەن.  

ايتا كەتەيىك، قانات يسلام اقپان ايىندا تانىمال مەنەدجەر ەگيس كليماسپەن كەلىسىمگە كەلىپ، اقش-تاعى جاتتىعۋىن باستاعان ەدى.  

قانات 2011 جىلدان بەرى كاسىپقوي بوكستا قازاق ەلىنىڭ اتىنان ب ا ق سىناپ كەلەدى. ال وعان دەيىن جۇڭگو ەلىندە ءجۇرىپ وليمپيادا ويىندارىنىڭ (2008 جىلى) جانە الەم چەمپيوناتىنىڭ (2007 جىلى) قولا جۇلدەگەرى اتاندى.  

قازاق بوكسشىسى سوڭعى كەزدەسۋىن 2017 جىلدىڭ 9 قىركۇيەگىندە استانا قالاسىندا وتكىزىپ، كانادالىق برەندون كۋكتى (18-1، 11 كو) توعىزىنشى راۋندتا تەحنيكالىق نوكاۋتپەن جەڭگەن ەدى. وسىلايشا وتانداسىمىز WBO NABO جانە WBA Inter-Continental چەمپيوندىق بەلبەۋلەرىن ساقتاپ قالعان-دى.