وڭتۇستىك قازاقستان وبلىسىندا قىز الىپ قاشىپ، جەلىنى شۋلاتقانداردىڭ كىمدەر ەكەندىگى بەلگىلى بولدى، دەپ حابارلايدى Qamshy.kz اقپارات اگەنتتىگى، ءوڭىردىڭ ءىىد باسپا ءسوز قىزمەتىنە سىلتەمە جاساپ.
«جۋىردا باق-تا جانە الەۋمەتتىك جەلىدە قىرىققابات ساتۋمەن اينالىساتىن قىزدى الىپ قاشقان ءسات تۇسىرىلگەن ۆيدەو تاراپ كەتتى. وقيعا وقو-دا بولعان. ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى روليك كەيىپكەرلەرىنىڭ تۇلعاسىن انىقتادى. ولاردىڭ بارلىعى وقو تۇرعىندارى. قىز دا، ونىڭ تۋىستارى دا ەشكىمگە كىنا ارتىپ وتىرعان جوق. قازىرگى كەزدە قىز تۇرمىسقا شىققان»، - دەيدى ۆەدومستۆو وكىلدەرى.
قازىرگى تاڭدا قالىڭدىقتىڭ تۋىستارى ىشكى ىستەر ورگاندارىنا قىزدى الىپ قاشۋ ساتىنەن تۇسىرىلگەن ۆيدەونى جەلىدە تاراتقاندارعا ارىز تۇسىرمەكشى.
پىكىر قالدىرۋ