12 مامىردا ساعات 21:30 ءپاريجدىڭ مونسيني كوشەسىندە جاياۋ جۇرگىنشىلەرگە 20 جاستاعى حامزات ازيموۆ شابۋىل جاساعان، دەپ حابارلايدى Qamshy.kz اقپارات اگەنتتىگى.

تەكسەرۋ بارىسىندا ونىڭ شەشەنستان تۋماسى ەكەنى انىقتالدى. ول 2010 جىلى فرانسيا ازاماتتىعىن العان.

حامزات ازيموۆ ادامدارعا پىشاقپەن شابۋىل جاساپ 2 ادامدى ءولتىردى، 8 ادامدى جارالادى. ءوزى پوليسەي وعىنان كوز جۇمدى. كۋاگەرلەرگە پسيحولوگيالىق كومەك كورسەتىلدى.

ونىڭ اتا-اناسى قاماۋعا الىندى. فرانسيا پوليسياسى ولاردان تۇسىنىكتەمە الىپ جاتىر.

بولعان وقيعانى دايش تەرروريستىك ۇيىمى ءوز موينىنا الدى. جەرگىلىكتى باق-تىڭ مالىمەتىنشە، فرانسيا تاريحىندا شەشەنستان ازاماتىنىڭ تەراكتى جاساعانى العاش رەت. فرانسيادا بولعان 140 تەراكتىنىڭ 124ء-تىن فرانسيا ازاماتتارى جاساعان.