الەۋمەتتىك جەلىدە اققالي ەسىمدى بالانىڭ اللاعا جازعان حاتى تارالىپ جاتىر، دەپ حابارلايدى Qamshy.kz اقپارات اگەنتتىگى.
العاشىندا بالانىڭ مەشىتكە جازىپ قالدىرعان حاتىن ماڭعىستاۋ وبلىسىنىڭ باس يمامى سمايل سەيتبەكوۆ جەكە پاراقشاسىنا جاريالاپ، جۇرتشىلىقپەن بولىسكەن.
بالا حاتىندا ءوزىمىزدىڭ ءۇيىمىز بولسا ەكەن دەگەن تىلەگىن ايتادى.
"ءوزىمىزدىڭ ءۇيىمىز بولسا ەكەن. اكەم تەز جۇمىسقا ورنالاسسا ەكەن. انام تەز ايلىق السا ەكەن. مەن بەسىنشى سىنىپقا وتسەم ەكەن. اپكەم تەستتەن ءجۇز بالل الىپ، تەح مەكتەپتى بىتىرسە ەكەن. الەمدەگى ەڭ باقىتتى وتباسى بولىپ كەتەيىك. انامنىڭ قۇرساعىنداعى ءسابي ءتاۋىر بولىپ دۇنيەگە كەلسە ەكەن"، - دەپ تىلەك جازىلعان تارالعان حاتتا.
اتالمىش حاتتى ءوزىنىڭ Instagram پاراقشاسىندا بولىسكەن بەلگىلى IT مامانى تيمۋر بەكتۇر: "ءتورتىنشى سىنىپ وقيتىن بالانىڭ ويىندا قانشاما دۇنيە، قانشاما تىلەك، قانشاما پسيحولوگيالىق كۇيزەلىس، قانشا وي جاتىر... مەنىڭ ويىمشا، بۇل بالا ءالى تالاي جەردى جەردى جارىپ شىعادى. سەبەبى، كوپ بالا مۇنداي دەڭگەيدە ويلامايدى، ويلاسا دا جازا المايدى، جازسا دا الەمدەردىڭ راببىسى جاراتقانعا ادرەساتتاۋ ويىنا كەلە بەرمەيدى. سوندىقتان، اللاھ تاعالا وسى ءبىر بالاپاننىڭ تىلەگىن قابىل ەتسىنشى، وتباسىندا بەرەكە ورناسىنشى دەگىم كەلەدى. ءامين"،-دەپ پىكىر ءبىلدىردى.
جەلى قولدانۋشىلارى ءاققاليدىڭ جۇرەگىنەن شىققان تىلەگىنە ءتانتى بولىپ، جاندارى اشىسا، ەندى ءبىرى كومەك قولىن سوزۋعا دايىن ەكەنىن جازعان.
"جانىم-اۋ، تىلەگىڭ قابىل بولسىن، پەرىشتەم!"، "بالالار باقىتتى بولۋ ءۇشىن جارالعان. بالانىڭ باقىتىن ۇرلادىم اۋ دەپ ويلانباس پا ەكەن وسى بالانىڭ اكەسى"،-دەپ قولدانۋشىلار پىكىر قالدىرعان. سونداي-اق، پىكىر بىلدىرۋشىلەردىڭ ءبىرازى بۇگىن، 15-مامىر حالىقارالىق وتباسى كۇنى ەكەنىن ەسكە سالادى.
