بۇگىن الماتى قالاسىنىڭ وڭىرلىك كوممۋنيكاسيالار قىزمەتىندە قمدب-نىڭ الماتى قالاسى بويىنشا وكىل يمامى ەركىنبەك قاري شوقايەۆتىڭ قاتىسۋىمەن بريفينگ ءوتتى، دەپ حابارلايدى Qamshy.kz اقپارات اگەنتتىگى.
بريفينگ بارىسىندا ورازا قاتىستى ماسەلەلەر تالقىلاندى.
رامازان – تاقۋالىق، بەرەكە مەن بىرلىك، ءارى مەيىرىم مەن جاقسىلىق ايى. ورازادا جاسالعان ءاربىر جاقسى امالدىڭ ساۋابى ەسەلەنىپ جازىلادى. حاديستە ايتىلعانداي، «ادام بالاسىنىڭ بارلىق يگى ىستەرىنىڭ ساۋابى ارتادى. ءاربىر جاقسىلىققا ون ەسەدەن جەتى ءجۇز ەسەگە دەيىن ساۋاپ جازىلادى».
عىلىمي زەرتتەۋلەر مەن شاريعي ماتىندەرگە سۇيەنە وتىرىپ، قمدب عۇلامالار كەڭەسى وتاندىق استرونوميالىق زەرتتەۋ ناتيجەلەرىن نەگىزگە الا وتىرىپ رامازان ايىنىڭ ءبىرىنشى كۇنى – 17 مامىر دەپ بەكىتتى. سونداي-اق ماۋسىم ايىنىڭ 11-نەن 12-نە قاراعان ءتۇن – ءقادىر ءتۇنى دەپ جاريالاندى. ايت مەرەكەسى بولجام بويىنشا 15ء-شى ماۋسىمعا سايكەس كەلەدى.
الماتى قالاسىنداعى 8 اۋداننىڭ بارلىق مەشىتتەرىندە كەشكى اۋىزاشار داستارحاندارى جايىلىپ، يفتار تاراتىلاتىن بولادى. ال، الماتى ورتالىق مەشىتىندە كۇندەلىكتى 500 ادامعا دەيىن اۋىزاشار داستارحانىن ۇيىمداستىرۋ جوسپارلانۋدا.
بۇگىنگى كۇنگە دەيىن ءاربىر مەشىتتەردە ءدىني ساۋاتتارىن كوتەرگەن جاماعاتقا ارنالعان «راببىم! ءبىلىمىمدى ارتتىر!» ينتەللەكتۋالدىق سايىسى جانە «ۋمرا كىمگە بۇيىرادى؟» سايىستارى ورتالىق مەشىتتە كۇندەلىكتى (دۇيسەنبى، سەيسەنبى، بەيسەنبى، جۇما، سەنبى كۇندەرى) اسر نامازى مەن اقشام نامازدارىنىڭ ورتاسىندا وتكىزىلىپ وتىراتىن بولادى.
سونىمەن قاتار، الماتى قالاسىنداعى 49 مەشىتتە تاراۋىق نامازى وتكىزىلسە، ونىڭ 45-ىندە تاراۋىق نامازى قۇران كارىم تولىقتاي حاتىم ەتىلەدى.
مەشىتتەردەگى تاراۋىق نامازدارىنىڭ تۇنگى ساعات 24.00-گە دەيىن جالعاسىپ، كەش اياقتالاتىن بولعاندىقتان كەلۋشى جاماعاتتىڭ ۇيلەرىنە قايتۋ ماسەلەسى ەسكەرىلىپ، الماتى قالاسى اكىمىنىڭ قولداۋىمەن قالا بويىنشا 4 باعىتقا (ساينا كوشەسى، الماتى-1 تەمىرجول بەكەتى، تالعار تراسساسى جانە دوستىق داڭعىلى باعىتتارىندا) جۇرەتىن باعىتتى اۆتوبۋستار كەستەسى اعىمداعى جىلدىڭ 16 مامىرى مەن 14 ماۋسىم ارالىعىندا ءار كەشتە ساعات 24:00-گە دەيىن سوزىلادى.
رامازان بويى الماتى قالاسى اكىمدىگىنىڭ قولداۋىمەن ءاربىر مەشىتتەر مەن جاماعاتتىڭ قاۋىپسىزدىكتەرى ءىىو قىزمەتكەرلەرىنىڭ باقىلاۋى كۇشەيتىلەدى، - دەپ مالىمدەمە جاسادى الماتى قالاسىنىڭ باس يمامى ەركىنبەك قاري شوقايەۆ.
