Google كومپانياسى قۇجات ساقتاۋشى بۇلتى Google Drive اتاۋىن Google One دەپ وزگەرتىپ، باعالارىن جەڭىلدەتتى دەپ جازادى Qamshy.kz اقپارات اگەنتتىگى كومپانيانىڭ اقپاراتىنا سۇيەنىپ. بۇدان بىلاي Google One قىزمەتىن پايدالانۋشى  200 گيگابايت جاد سىيىمدىلىعىن پايدالانۋ ءۇشىن ايىنا $2،99 تولەيدى. ال،  2 تب $19،99-دان $9،99-عا ارزانداعان.

سونداي-اق، Google One ساقتاۋ كەڭىستىگىن وتباسى مۇشەلەرىمەن بولىسەتىن فۋنكسيانى دا قوسقان. بۇعان دەيىنگى تاريفتە 100 گب سىيىمدىلىققا جازىلعان ($1،99/اي) قولدانۋشىلار ەندى Google ونىمدەرى مەن قىزمەتتەرى تۋرالى كومپانيا ماماندارىنان ونلاين كەڭەس الا الادى.  بۇرىن تاۋلىك بويى قولجەتىمدى Google Experts قىزمەتى تەك  G Suite بيزنەس اككاۋنتتارىنا عانا مۇمكىن بولاتىن.

15 گب تەگىن كۆوتا وزگەرىسسىز قالادى. ال، $9،99 باعاعا بەرىلەتىن  1 تب  تاريف ەندى جوق. وسىعان دەيىن 1 تب جادقا اقىلى جازىلعاندار ەندى 2 تب الا الادى.