استانا ەكونوميكالىق فورۋمى الاڭىندا ەۋرازيالىق ەكونوميكالىق وداق پەن وعان مۇشە مەملەكەتتەر جانە يراننىڭ اراسىندا ەركىن ساۋدا ايماعىن قۇرۋعا اكەلەتىن ۋاقىتشا كەلىسىمگە قول قويىلعانىن حابارلاعانبىز.
كەلىسسوزدەردىڭ قورىتىندىسى بويىنشا تاراپتار تاۋارلىق قامتۋ بويىنشا مىناداي ۋاعدالاستىققا قول جەتكىزدى: يران 246 تاۋار بويىنشا 6 مانگە (ونىڭ ىشىندە 74 ا/ش، 172 ونەركاسىپتىك)، ەاەو - 175 تاۋار بويىنشا 6 مانگە ءتاريفتى ازايتتى (ونىڭ ىشىندە 53 ا/ش، 122 ونەركاسىپتىك).
كەلىسىم اياسىندا يران قازاقستاننىڭ ەكسپورتتىق مۇددەدەگى نەگىزگى تاۋارلارى بويىنشا كەدەندىك اكەلىم باجىن ازايتادى جانە بەكىتەدى (102 جەلى 6 ماندە، ونىڭ ىشىندە 47 ا/ش، 55 ونەركاسىپتىك)، ونىڭ ىشىندە:
سيىر ەتى (26% -دان 10%-عا ازايتىلدى)،
قوي ەتى (5%-عا بەكىتىلدى)،
سارى ماي (5-55%-دان 4-40%-عا دەيىن ازايتىلدى)،
نوقات، جاسىمىق (5%-عا بەكىتىلدى)،
بۇرشاق (55%-دان 25%-عا ازايتىلدى)،
ارپا، جۇگەرى، سويا بۇرشاعى (5-10%-عا بەكىتىلدى)،
كۇرىش (26%-دان 15%-عا ازايتىلدى)،
وسىمدىك مايلارى (20%-دان 10%-عا ازايتىلدى)،
ماكاروندار (55%-دان 20%-عا ازايتىلدى)،
كونديتەرلىك ونىمدەر (55%-دان 20%-عا ازايتىلدى)،
بولات پروكاتى (20%-دان 10-15%-عا ازايتىلدى)،
رەلستەر (5%-دان 4%-عا ازايتىلدى)،
اككۋمۋلياتورلار (32-55%-دان 10%-عا ازايتىلدى).
ءوز كەزەگىندە يران ءۇشىن ەاەو-عا قاتىسسىز: پىستە، قۇرما، ءىنجىر، مەيىز، اسشايان، باقشا داقىلى، اپەلسين، ليمون، لايما، كونديتەرلىك ونىمدەر، شىرىنداردىڭ كەيبىر ءتۇرى، قۇرىلىس بوياۋلارى مەن لاك، ىدىس، جۋۋ قۇرالدارى، كىلەم، پلاستماسسا بۇيىمدارى سەكىلدى تاۋارلارعا كەدەندىك باج ازايتىلاتىن بولادى (اعىمدىق بكت ورتا ەسەپپەن 0-10% مولشەرىندە).
يراننىڭ ەكسپورتتىق مۇددەدەگى نەگىزگى تاۋارلارىنا (الما، قىزاناق، قيار) ەاەو ءوندىرىس جوق كەزدەگى (قاراشادان ناۋرىزعا دەيىن) ماۋسىمدىق تۇسىرۋلەردى عانا ۇسىنىپ وتىر. سونىمەن قاتار يراننان جەتكىزىلەتىن كارتوپ، قىزاناق پاستاسى مەن كوكونىستەرگە قاتىستى اعىمدىق تاريفتەر GSP دەڭگەيىندە بەكىتىلگەن (7،5 - 9% مولشەرىندە).
سونىمەن بىرگە يراننىڭ ەكسپورتتىق سۇرانىستاعى تاۋارلارىنىڭ كوپشىلىگى پرەفەرەنسيالىق تاۋارلار تىزبەسىنە ەنەدى، بۇل ولاردى دامۋشى ەلدەر جانە از دامىعان ەلدەردەن، ونىڭ ىشىندە يراننان اكەلۋ كەزىندە قجت مولشەرلەمەسى كولەمىنىڭ 25%-عا تومەندەۋىن بىلدىرەدى. تۇتاس العاندا، سۇرانىس جەلىسىنىڭ كوپشىلىگىندە بكت مولشەرلەمەسىنىڭ دەڭگەيى تومەن نەمەسە نولدىك بولىپ تابىلادى.
پىكىر قالدىرۋ