ماڭعىستاۋلىق پوليسەيلەر 83 كەلى ماريحۋانامەن سايىن شاپاعاتوۆ اۋىلىنىڭ تۇرعىنىن قولعا ءتۇسىردى، - دەپ حابارلايدى 24.kz  - ءتىلشىسى.

ءتۇپقاراعان اۋدانىندا وتكەن جەدەل ىزدەستىرۋ بارىسىندا قىزمەتتىك يت قۇرىلىسى اياقتالماعان ساراي جانىندا تۇرعان ادامنان ەسىرتكى ءيىسىن سەزىپ قالادى. ءتىنتۋ كەزىندە كۇدىكتىنىڭ قالتاسىنان ىشىندە ماريحۋانا بار سىرىڭكە قورابى تابىلدى. ارتىنشا وسى جەردەن بىرنەشە قاپشىققا سالىنعان اناشانىڭ جاسىرىلعانى انىقتالدى. ءقازىر وسى دەرەك بويىنشا سوتقا دەيىنگى تەرگەۋ امالدارى ءجۇرىپ جاتىر.

ايگەرىم يبادۋللايەۆا، وبلىستىق ءىىد باسپا ءسوز قىزمەتىنىڭ جەتەكشىسى:

-ماڭعىستاۋ وبلىستىق ءىىد تەرگەۋ باسقارماسى بۇل دەرەك بويىنشا ق ر قىلمىستىق كودەكسىنىڭ 296-بابىنىڭ 4-تارماعىمەن سوتقا دەيىنگى تەرگەۋ امالدارىن جالعاستىرۋدا. قازىرگى تاڭدا كۇدىكتى اقتاۋ قالاسىنداعى ۋاقىتشا ۇستاۋ اباقتىسىنا قامالدى.