سولتۇستىك قازاقستان وبلىسىندا اگروونەركاسىپ كەشەنىن دامىتۋ ماسەلەلەرى بويىنشا كەزدەسۋ بارىسىندا قازاقستان رەسپۋبليكاسى پرەمەر-مينيسترىنىڭ ورىنباسارى – اۋىل شارۋاشىلىعى ءمينيسترى ءومىرزاق شوكەيەۆ اگروونەركاسىپتىك كەشەندە مەملەكەتتىك ساياساتتى ىسكە اسىرۋدىڭ ءبىرقاتار جاڭا باعىتتارى مەن تەتىكتەرىن اتاپ ءوتتى، دەپ جازادى Qamshy.kz اقپارات اگەنتتىگى. 
اعىمداعى جىلى شارۋالار كوكتەمدە تۇقىم شارۋاشىلىعىنان 1 رەپرودۋكسيالى تۇقىمدى نەمەسە ەليتالىق تۇقىمدى ەڭ تومەنگى نورما بويىنشا تەگىن الۋدى كوزدەيتىن تۇقىم شارۋاشىلىعىن سۋبسيديالاۋدىڭ جاڭا تەتىگى ىسكە اسىرىلاتىن بولادى. ءوز كەزەگىندە، مەملەكەت تۇقىم وندىرۋشىگە نورما بويىنشا شىعارىلعان تۇقىمداردىڭ تولىق قۇنىن وتەيدى.
بۇل رەتتە شارۋا كۇزدە ەگىندى جيناپ بولعاننان كەيىن تۇقىم شارۋاشىلىعىن دامىتۋ قورىنا تۇقىم قۇنىنىڭ 30% قايتاراتىن بولادى، قور قايتارىلعان قاراجاتتى جيناقتايدى جانە ونى اتتەستاتتالعان تۇقىم وندىرۋشىلەر ءۇشىن تومەنگى پايىزدىق مولشەرلەمەمەن (1-2%) نەگىزگى قۇرالدى (تەحنيكا مەن جابدىق) ساتىپ الۋ مەن جاڭارتۋدى قارجىلاندىرۋعا باعىتتايدى. بۇل تەتىكتى ىسكە اسىرۋ 2021 جىلعا قاراي 3 رەپرودۋكسيادان تومەن ەمەس تۇقىممەن 100% سەبۋدى قامتاماسىز ەتۋگە مۇمكىندىك بەرەدى.
مينەرالدى تىڭايتقىشتارعا قاتىستى. اعىمداعى جىلعى سۋبسيديانى الۋعا ءوتىنىم بەرۋ جانە ولارعا تولەم جۇرگىزۋ ەلەكتروندى تۇردە جۇزەگە اسىرىلادى، ياعني سۋبسيديالاۋ پروسەسسى تولىق اۆتوماتتاندىرىلعان. 446 مىڭ توننا تىڭايتقىشقا، ونىڭ ىشىندە كوكتەمگى دالا جۇمىستارى كەزەڭىنە 270 مىڭ تونناعا ءوتىنىم بەردى. مامىر ايىنىڭ ورتاسىندا 93 مىڭ توننا تىڭايتقىش نەمەسە ءوتىنىم بەرىلگەن كولەمىنەن 21% اگرارييلەرگە جەتكىزىلدى.
جينالىس بارىسىندا ءسۇتتى مال شارۋاشىلىعى مەن شوشقا شارۋاشىلىعى بويىنشا جاڭا باعدارلامالار ۇسىنىلدى.
ءسۇتتى مال شارۋاشىلىعىن دامىتۋ باعدارلاماسى ءسۇت ونىمدەرىن يمپورتتىق الماستىرۋعا باعىتتالعان. جالپى العاندا جىلدىق مولشەرلەمەسى 4% قۇرايتىن 15 جىلعا دەيىنگى مەرزىمگە دەيىن قارجىلاندىرا وتىرىپ، ءسۇتتى-تاۋارلى جانە ونەركاسىپتىك فەرمالاردى قۇرۋ جوسپارلانۋدا. وندىرىلەتىن سۇتكە تاۋارلىق سۋبسيديالاردىڭ ورنىنا، ينۆەستيسيالاۋ ءۇشىن سۋبسيديالاردى جانە نەسيەلەر مەن ليزينگ بويىنشا پايىزدىق مولشەرلەمەلەردى قولداۋ شارالارى قاراستىرىلادى.
شوشقا شارۋاشىلىعىن دامىتۋ باعدارلاماسىندا جۇڭگو مەن رەسەي فەدەراسياسى نارىعىنا ەت ونىمدەرىن ەكسپورتتاۋدى دامىتۋعا ەرەكشە كوڭىل بولىنەدى.
ەكونوميكالىق تۇرعىدان پەرسپەكتيۆالىق جوبالاردى قولداۋ جانە دامىتۋ شەڭبەرىندە ەتتى مال شارۋاشىلىعى، ءسۇت ءوندىرىسى، قايتا وڭدەۋشى سالا بويىنشا زاكىرلى كووپەراسيا بولاتىن وبلىستىڭ ءبىرقاتار ءىرى ونەركاسىپتىك كەشەندەرىنىڭ جۇمىسىمەن تانىستى.
اتالعان شارالاردى ىسكە اسىرۋ اگروونەركاسىپتىك كەشەندەگى ەڭبەك ونىمدىلىگىن جانە وڭدەلگەن اۋىل شارۋاشىلىعى ونىمدەرىن ەكسپورتتاۋدى كەم دەگەندە 2،5 ەسە ارتتىرۋعا مۇمكىندىك بەرەدى.