جەلى قولدانۋشىلارى "رۋحاني جاڭعىرۋ" مەملەكەتتىك باعدارلاماسىنىڭ لوگوگتيپىنىڭ ءتۇپنۇسقا ەكەندىگىنە كۇمان كەلتىردى.
Facebook بەلسەندىلەرى مەملەكەتتىك باعدارلامانىڭ لوگوتيپىن ءتۇرلى تۇستەردەن جاسالعان موزايكاداعى بۇركىت بەينەسىندەگى فرانسيالىق ۇيىمنىڭ سۋرەتىنە ۇقساس دەگەن پىكىر ايتىپ جاتىر.
«سانانى فرانسۋزشا وزگەرتۋ. بارلىق ۇقساستىق كەزدەيسوق جاعداي. فرانسياداعى Aigle de Patmos كومپانياسى ترانسفورماسيا شەبەرلىگىنە ۇيرەتەدى. كليەنتتەرىنە «ءوز شىندىعىن بايىتىپ، ونى وزگەرتۋدى، قيالداعى جاعداي ارقىلى تاجىريبە قالىپتاستىرۋدى، ءبىلىم مەن ونى كورسەتۋدى، شىنايى كوڭىل-كۇي مەن ادامدى يلاندىراتىنداي سويلەۋدى ۇيرەتۋگە» ۋادە بەرەدى. Aigle de Patmos كومپانياسى ءوز قىزمەتىن ازۋر قالاسىنداعى بالالار مەن ەرەسەكتەرگە ارنالعان ساناري-سيۋر-مەر تەاترىندا دامىتىپ وتىر»،-دەپ جازادى قازاقستاننىڭ مەملەكەت جانە قوعام قايراتكەرى مۇرات ابەنوۆ
جاريالانىمعا پىكىر بىلدىرۋشىلەر ەكى توپقا ءبولىندى. ءبىرى "يدەيالار ۇقساي بەرەدى، باستى ماسەلە تىندىرىلعان جۇمىستا" دەسە، ەندى ءبىرى بۇل ءجايتقا "ۇيات" دەپ باعا بەرگەن.
ق ر اقپارات جانە كوممۋنيكاسيالار مينيسترلىگىنىڭ باسپا ءسوز قىزمەتى اتالعان ماسەلە بويىنشا پىكىر بىلدىرۋگە ۋادە بەردى.
پىكىر قالدىرۋ