«الماتى سۋ» مەملەكەتتىك كوممۋنالدىق كاسىپورنىندا سۋدى زاڭسىز پايدالانعان الاياقتاردىڭ ارەكەتتەرى جايلى ايتىلدى. بۇل جايىندا InAlmaty جازادى.
باقىلاۋشىلار اي بويى ارنايى تەكسەرۋ جۇرگىزگەن. ناتيجەسىندە 562 زاڭ بۇزۋىشىلىقتى انىقتاعان.
— مامىردا 102 ءوز بەتىنشە كەسۋ مەن زاڭسىز قيۋ تىركەلگەن. 109 كاسىپكەرلىك نىسان تۇرعىندارعا ارنالعان باعا بويىنشا سۋعا جانە كاناليزاسياعا اقشا تولەپ كەلگەن. زاڭ بۇزۋشىلىقتاردىڭ تىزىمىنە مەترلەرگە ورناتىلعان مورلەردىڭ بۇزىلۋى، ساناۋىشتارمەن زاڭسىز ايلا-شارعى جاساۋ، سۋارۋ الاڭدارىن جاسىرۋ، حالىقتىڭ تۇرعىلىقتى جەرلەرىندە تۇراتىن ادامداردىڭ مالىمەتتەرى ناقتى دەرەكتەرمەن سايكەس كەلمەۋى كىرەدى، - دەلىنگەن حابارلامادا.
«الماتى سۋدىڭ» ايتۋىنشا، كراننىڭ كەسىلۋى باسقا ابونەنتتەردەگى سۋدىڭ ساپاسىنا اسەر ەتەدى.
ەسكەرتە كەتەتىن جايت، تەكسەرۋلەر كۇن سايىن جۇرگىزىلىپ وتىرادى. تەكسەرۋ جۇمىستارىنا جۇزگە تارتا قىزمەتكەر جۇمىلدىرىلعان.
— بارلىق انىقتالعان بۇزۋشىلىقتار ءۇشىن مەملەكەتتىك قىزمەتتەردى زاڭسىز پايدالانۋ جانە شارتتىق قاتىناستاردى ساقتاماۋ ءۇشىن قوسىمشا اقى الىنادى. ءتيىمدى شارالاردىڭ ءبىرى — ورتالىق قۇبىردان تولىق اجىراتۋ. بۇل زاڭسىز جانە كەلىسىمشارتتىق قاتىناستاردى بۇزۋشى عانا ەمەس، سونداي-اق سۋدىڭ اقىسىن تولەەيتىندەرگە دە قاتەر توندىرەدى، - دەلىنگەن حابارلامادا.
