مەملەكەت باسشىسى ماڭعىستاۋ وبلىسىنىڭ اكىمى ەرالى توعجانوۆتى قابىلدادى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.

كەزدەسۋدە نۇرسۇلتان نازاربايەۆقا ءوڭىردىڭ الەۋمەتتىك-ەكونوميكالىق دامۋى جانە كاسپيي ماڭى مەملەكەتتەرى باسشىلارىنىڭ سامميتىنە دايىندىق بارىسى جونىندە ەسەپ بەرىلدى.

قازاقستان پرەزيدەنتى ءسامميتتى وتكىزۋگە تىڭعىلىقتى دايىندالۋ قاجەتتىگىن ايتتى.

– اقتاۋدا بەس ەلدىڭ دەلەگاسيالارى قاتىساتىن كاسپيي ماڭى مەملەكەتتەرى باسشىلارىنىڭ ءسامميتىن وتكىزۋ جوسپارلانۋدا. وسى كەزدەسۋگە قاتىستى بارلىق ۇيىمداستىرۋ ماسەلەلەرىن پىسىقتاۋ كەرەك، – دەدى نۇرسۇلتان نازاربايەۆ.

سونىمەن قاتار ەرالى توعجانوۆ ءوندىرىس، قۇرىلىس، اۋىل شارۋاشىلىعى جانە ينۆەستيسيا تارتۋ سالالارىنداعى مەملەكەتتىك جانە سالالىق باعدارلامالاردىڭ جۇزەگە اسىرىلۋ بارىسىن باياندادى.

– نەگىزگى ەكونوميكالىق كورسەتكىشتەردىڭ ءوسىمى بايقالىپ وتىر. ءسىزدىڭ قويعان مىندەتتەرىڭىزدىڭ ءبارى ىسكە اسىرىلۋدا. 2017 جىلدىڭ قورىتىندىسى بويىنشا وڭىردەگى ءوندىرىستىڭ كولەمى 100،1 پايىزعا جەتتى، – دەدى ماڭعىستاۋ وبلىسىنىڭ اكىمى.

كەزدەسۋ سوڭىندا مەملەكەت باسشىسى ءبىرقاتار ناقتى تاپسىرما بەردى.