دەنساۋلىق ساقتاۋ ءمينيسترى ەلجان ءبىرتانوۆ مەنينگوكوكك ينفەكسياسىنان كوز جۇمعانداردىڭ وتباسىلارىنا كوڭىل ءبىلدىردى جانە ولارمەن جولىعۋ جوسپارى تۋرالى ايتتى، - دەپ حابارلايدى Tengrinews.kz. 

مينيستر ءوزىنىڭ الماتىعا ساپارىنىڭ ءمان-جايى تۋرالى اشىپ ايتتى. 

"ءبىز مارقۇمداردىڭ وتباسىنا كوڭىل ايتامىز. مۇمكىندىگىنشە ولارمەن كەزدەسۋ وتكىزۋگە تىرىسامىز"، - دەيدى ول ۇكىمەت وتىرىسىنان كەيىن. 

"ءبىرىنشى كەزەكتە رەسپۋبليكالىق شتابپەن جوسپارلانىپ، انىقتالعان شارالاردىڭ ىسكە اسىرىلۋ ساپاسىن باعالاعىمىز كەلەدى - ول الدىن الۋ جانە ىندەتكە قارسى اۋرۋلار، قوعامدىق دەنساۋلىقتى ساقتاۋ كوميتەتى وتكىزىپ جاتىر. ول قانشالىقتى ناتيجەلى ءوتىپ جاتقانىن. ەكىنشى، حالىق نارازىلىن تۋدىرىپ جاتقان مەديسينالىق كومەكتى ۇيىمداستىرۋ، سونىڭ ىشىندە جەدەل جاردەمدى دە تەكسەرۋ. بۇل الماتى مەن الماتى وبلىسىنىڭ دەنساۋلىق ساقتاۋ باسقارماسىنىڭ جاۋاپكەرشىلىگى. جۇمىس ءجۇرىپ جاتىر، سول جۇمىسقا باعا بەرۋ قاجەت"، - دەيدى ءبىرتانوۆ. 

ۇكىمەت وتىرىسى كەزىندە پرەمەر-مينيستر باقىتجان ساعىنتايەۆ قازاقستانداعى مەنينگوكوكك ينفەكسياسىنا قاتىستى ەسەپ بەرۋدى تالاپ ەتتى. ءوز ەسەبى كەزىندە دەنساۋلىق ساقتاۋ ءمينيسترى الماتىعا بارىپ، مەديسينالىق كومەكتى ۇيىمداستىرۋدى تەكسەرۋ جوسپارى بارىن ايتتى. 

ەسكە سالايىق، وسىعان دەيىن 13 ادام كوز جۇمعان مەنينگوكوكك ينفەكسياسىنا قازاقستاندا كارانتين ءالى جاريالانبايدى، دەنساۋلىق ساقتاۋ ءمينيسترى ەلجان ءبىرتانوۆ مەنينگيتتەن ۆاكسيناسيالاۋدى "ءتيىمسىز ءارى شىعىنى كوپ" دەدى.