«نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ كءىتاپحانالار تەك كىتاپ وقيتىن ورىن عانا ەمەس، ءتۇرلى سەمينارلار، ترەنينگتەر، دارىستەر تۇراقتى وتەتىن، جاستاردىڭ عىلىمي جاڭالىقتار مەن قوعامداعى وزەكتى ماسەلەلەردى تالقىلايتىن ناعىز ءبىلىم ورتالىعى بولۋى ءتيىس ەكەندىگىن ايتتى. بۇل جونىندە ول الماتىداعى جامبىل اتىنداعى قالالىق جاسوسپىرىمدەر كىتاپحاناسىنا بارعان كەزدە مالىمدەءدى.

اتالعان كىتاپحانا جاستاردىڭ زياتكەرلىك ورتالىعى رەتىندە قايتا قۇرىلىپ، حالىققا زاماناۋي فورماتتا قىزمەت كورسەتۋدە. بۇگىن جۇمىس ساپارىمەن الماتى قالاسىنا كەلگەن «نۇر وتان» پارتياسى ءتوراعاسىنىڭ ءبىرىنشى ورىنباسارىكىتاپحاناعا ارنايى باردى.

جامبىل اتىنداعى كىتاپحانانىڭ قايتا جاڭعىرتىلۋى وتە جوعارى دەڭگەيدە جۇرگىزىلگەنءىن اتاپ وتكەن ءجون. ياعني، رۋحانيات ورداسى سوڭعى ۇلگىدە جابدىقتالىپ، بۇگىندە ەۋروپالىق كوۆوركينگ ورتالىقتارىنىڭ دەڭگەيىندە قىزمەت كورسەتۋدە. مۇندا جەكە جۇمىس ىستەۋ ءۇشىن بىرنەشە تىنىش ايماق جانە جاڭا جوبالاردى توپ بولىپ تالقىلاۋعا ارنالعان ءتيىستى ورىندار قاراستىرىلعان. ءبىلىم ورتالىعى قاجەتتى كومپيۋتەرلەرمەن جانە جىلدامدىعى جوعارى Wi-Fi ينتەرنەت جەلىسىمەن دە جابدىقتالعان.

ماۋلەن اشىمبايەۆ اتالعان نىساننىڭ جۇمىسىنا ايرىقشا ءمان بەرىپ، مۇنداي ۇتىمدى تاجىريبەنى ەلىمىزدىڭ باسقا قالالارىندا دا قولدانۋ كەرەكتىگىن اتاپ ءوتتى.

– ەلباسىنىڭ «رۋحاني جاڭعىرۋ» باعدارلاماسىنىڭ نەگىزگى باعىتتارىنىڭ ءبىرى حالىقتىڭ بىلىمگە دەگەن قۇشتارلىعىن ودان ءارى ارتتىرۋ. سوندىقتان ءبىز وتاندىق كىتاپحانالاردى وسىنداي زاماناۋي ءبىلىم ورتالىقتارىنا اينالدىرۋدى كوزدەيتىن پارتيالىق جوبانى قولعا الدىق. ويتكەنى كءىتاپحانالار تەك كىتاپ وقيتىن ورىن عانا ەمەس، ءتۇرلى سەمينارلار، ترەنينگتەر، دارىستەر تۇراقتى وتەتىن، جاستار ءجيى باس قوسىپ، عىلىمي جاڭالىقتار مەن قوعامداعى وزەكتى ماسەلەلەر تالقىلاناتىن رۋحاني وردا بولۋى ءتيىس، – دەدى ماۋلەن اشىمبايەۆ.

سونداي-اق پارتيا ءتوراعاسىنىڭ ءبىرىنشى ورىنباسارى اتالعان پارتيالىق جوبا شالعايداعى اۋىلدىق كىتاپحانالار ءۇشىن اسا ماڭىزدى ەكەنىنە نازار اۋدارىپ، جوبا بويىنشا ءبىرىڭعاي ونلاين كءىتاپحانا جۇيەسى ىسكە قوسىلاتىنىن جەتكىزدى. سونىڭ اياسىندا ەلىمىزدەگى بارلىق كىتاپ قورىنىڭ سيفرلى نۇسقالارى دايىندالماق.

سونىمەن قاتار «نۇر وتان» پارتياسى ءتوراعاسىنىڭ ءبىرىنشى ورىنباسارى ساپار بارىسىندا «ميلوسەرديە» ەرىكتى قوعامى» قوعامدىق قورى قامقورشىلار كەڭەسىنىڭ وتىرىسىنا قاتىستى. بەلسەندى قوعام قايراتكەرى ارۋجان ساين باسقاراتىن ۇيىم بالالاردىڭ دەنساۋلىعىن جاقسارتۋ جولىندا «بالالارعا ءومىر سىيلا»، «جەتىمدەرسىز قازاقستان» جانە «ءاۋتيزمدى جەڭەمىز» جوبالارى بويىنشا اۋقىمدى جۇمىستار اتقارىپ كەلەدى. قور جۇمىسىنىڭ ماڭىزدىلىعىنا توقتالعان ماۋلەن اشىمبايەۆ الداعى ۋاقىتتا پارتيا تاراپىنان ءتيىستى قولداۋ كورسەتىلەتىنىن ايتتى.