كيم چەن ىن مەن دونالد ترامپ سەيسەنبى كۇنى تاڭەرتەڭ سينگاپۋردا كحدر مەن اقش-تىڭ العاشقى سامميتىندە كەزدەستى، دەپ دەپ حابارلايدى Qamshy.kz اقپارات اگەنتتىگى. 

كوپتەن كۇتكەن كەزدەسۋ سينگاپۋردان كوپىر ارقىلى بولىنگەن سەنتوس كۋرورتتىق ارالىنداعى «كاپەللا» قوناق ۇيىندە ءوتتى.

كەزدەسۋدىڭ باسىندا ەكى ەل باسشىلارى كامەرا الدىندا كۇلىمدەپ قول الىستى.

«بۇل مەن ءۇشىن قۇرمەت. ءبىزدىڭ قارىم-قاتىناسىمىز تاماشا. مەنىڭ ەشقانداي كۇمانىم جوق»، - دەدى ترامپ. سونىمەن قاتار پرەزيدەنت كەلىسسوزدەردىڭ دە ءساتتى بولاتىنىنا سەنىم ءبىلدىردى.

ءوز تاراپىنان، كيم چەن ىن پحەنيان مەن ۆاشينگتون اراسىنداعى قارىم-قاتىناس رەتكە كەلەتىنىنە ءۇمىتتى ەكەنىن ايتتى.

«ءبىز بۇل جەرگە اياققا تۇساۋ بولعان بۇرىنعى كەدەرگىلەردىڭ ءبارىن ارتقا تاستاپ كەلدىك»، - دەدى سولتۇستىك كورەيانىڭ باسشىسى.

«بۇل راس»، - دەپ راستادى ترامپ.

كەزدەسۋ پروتوكولدا جوسپارلانعانداي 45 مينۋتقا سوزىلدى. اقش پرەزيدەنتى كەلىسسوزدەرىڭ ءساتتى وتكەنىن، اراداعى ۇلكەن كەدەرگىلەردىڭ رەتكە كەلگەنىن ايتتى.

جۋرناليستەر ءۇش مارتە جولداعان يادرولىق قارۋدان باس تارتۋ تۋرالى ساۋالعا كيم چەن ىن جاۋاپ  بەرگەن جوق.