ماسكەۋ قالالىق سوتى بۇگىن حالىقارالىق ىزدەۋدە ءجۇرىپ رەسەيدىڭ استاناسىندا تۇتقىندالعان  «Bank RBK» اق باسقارما ءتوراعاسىنىڭ بۇرىنعى كەڭەسشىسى جومارت ەرتايەۆتى قاماۋعا الۋ تۋرالى شاعىمدى قارايدى، دەپ حابارلايدى Qamshy.kz اقپارات اگەنتتىگى. 

سوت وتىرىسى ماسكەۋ ۋاقىتىمەن ساعات 14:50 (17:50) وتەدى.

ماسكەۋدەگى پرەسنەنسكيي سوتى 11 مامىردا ەرتايەۆتى تۇرمەگە وتىرعىزۋدان باس تارتىپ، ءۇي قاماۋىنا العان بولاتىن.

ەرتايەۆتىڭ قورعاۋشىسى ونى تۇتقىنداماعانىن جانە بيزنەسمەن رەسەيدە بوسقىن مارتەبەسىن الۋ تۋرالى ءوتىنىش جازعانىن حابارلادى.

سىبايلاس جەمقورلىقپەن كۇرەس جونىندەگى ۇلتتىق بيۋرونىڭ تەرگەۋ ءبولىمىنىڭ باستىعىنىڭ ورىنباسارى اسحات جۇماعالييەۆ بۇعان دەيىن ەرتايەۆقا «ربك» بانكىنەن اقشا ۇرلادى دەگەن ايىپ تاعىلعانى تۋرالى حابارلادى جانە قازاقستان وعان قاتىستى راسىمدەردى رەسەيلىك قۇقىق قورعاۋ ورگاندارىنىڭ كومەگىمەن ۇزارتقان.

ەرتايەۆقا قارسى وسى جىلدىڭ ناۋرىز ايىندا قازاقستان رەسپۋبليكاسى قىلمىستىق كودەكسىنىڭ 190-بابى 4-بولىگى (الاياقتىق) بويىنشا قىلمىستىق ءىس قوزعالدى. ءبىر اپتادان كەيىن بيزنەسمەن حالىقارالىق ىزدەۋ تىزىمىنە ەنگىزىلدى. وسى باپقا ساي ول ون جىلعا دەيىن باس بوستاندىعىنىنان ايىرىلۋى مۇمكىن.

ەستەرىڭىزگە سالساق، رەسەيلىك قۇقىق قورعاۋ ورگاندارى جومارت ەرتايەۆتى 8 مامىردا ماسكەۋ قالاسىنىڭ ماڭىندا كراسنوگۆاردەيسكيي كوشەسىندە تۇتقىنداعان بولاتىن.

رەسەيلىك قۇقىق قورعاۋ ورگاندارى ەرتايەۆتى 8 مامىردا ماسكەۋ قالاسىنىڭ ماڭىندا كراسنوگۆاردەيسكيي كوشەسىندە ۇستادى.