14 ماۋسىمدا تۇندە الماتىداعى ساياحات اۆتوبەكەتى ورتكە وراندى، دەپ حابارلايدى Qamshy.kz اقپارات اگەنتتىگى.

كۋاگەرلەردىڭ ايتۋى بويىنشا، ءورت الدىندا جارىلىس داۋسى ەستىلگەن. كەيىنىرەك جارىلىستىڭ ازىق-تۇلىك ساتاتىن دۇڭگىرشەكتەردىڭ جانىندا بولعانى انىقتالدى.

توتەنشە جاعداي ورنىندا ءورت ءسوندىرۋ جۇمىستارى ءالى دە ءجۇرىپ جاتىر.

ءتىلسىز جاۋدىڭ بەتىن قايتارۋعا 42 ءورت ءسوندىرۋشى، 12 بىرلىك ارنايى ءورت ءسوندىرۋ تەحنيكاسى جۇمىلدىرىلدى.

تجم ۇسىنعان اقپاراتقا سايكەس، تۇنگى 22.26-دا 140 شارشى مەتر اۋماقتا بەس بۋتيك ورتەندى. سونىمەن قاتار ساياحات اۆتوبەكەتىنىڭ 10 شارشى مەتر شاتىرى وت قۇرساۋىندا كەتتى. ءورتتىڭ جالپى اۋدانى 150 شارشى مەتردى قۇرايدى. ءورت سالدارىنان قۇربان بولعاندار مەن زارداپ شەككەندەر تىركەلگەن جوق.

ءورت سوندىرۋشىلەر جالىننىڭ ىشىنەن ءۇش 50 ليترلىك جانە ءۇش 25 ليترلىك گاز باللوندارىن الىپ شىققان.

الەۋمەتتىك جەلىلەردە وتقا ورانعان اۆتوۆوكزالدىڭ ۆيدەوسى جەدەل تاراپ كەتتى.