2018 جىلدىڭ 4 ايى ىشىندە قازاقستاننان 9332 ادام كوشىپ كەتكەن، ال 4 100 ادام ەلگە قونىس اۋدارعان، دەپ حابارلايدى  Qamshy.kz اقپارات اگەنتتىگى. 

بۇل تۋرالى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ سايتىندا جاريالاندى.

2017 جىلدىڭ ءدال وسىنداي كەزەڭىندە قازاقستاننان كەتكەندەردىڭ سانى 7727 ادامدى قۇرادى. وسىلايشا، ەميگراسيا پايىزعا -عا ءوستى. 2018 جىلدىڭ ءقاڭتار-ساۋىر ايلارىندا رەسپۋبليكادا كوشى-قوننىڭ تەرىس سالدوسى 4 922 ادامدى قۇرادى.

سونداي-اق، 2018 جىلدىڭ ساۋىرىندە قازاقستان حالقى 19،2 مىڭ ادامعا ارتىپ، 2018 جىلعى 1 مامىرداعى جاعداي بويىنشا 18 ملن 232 مىڭ ادامدى قۇرادى. قازاقستان حالقىنىڭ تابيعي ءوسىمى 79 مىڭ 538 ادامعا جەتتى (2017 جىلدىڭ ءقاڭتار-ساۋىر ايلارىندا - 77 مىڭ 152 ادام).

ستاتيستيكا كوميتەتىنىڭ مالىمەتىنشە، قازاقستاندا قازىرگى ادام سانىنىڭ كورسەتكىشتەرى كەلەسىدەي: بوسانۋ - 124 مىڭ 333 (121 مىڭ 473)، ءولىم - 44 مىڭ 795 ادام (44 مىڭ 321).

2018 جىلدىڭ ءقاڭتار-ساۋىر ايلارىندا رەسپۋبليكادا 37 مىڭ 904 نەكە (2017 جىلدىڭ ءقاڭتار-ساۋىر ايلارىندا 38 مىڭ 583) قيىلعان. سونىمەن قاتار، 2018 جىلدىڭ ءقاڭتار-ساۋىر ايلارىندا 17 مىڭ 971 اجىراسۋ فاكتىسى تىركەلدى.