يبراگيم ەسكەندىر كاسىپقوي بوكستاعى ءۇشىنشى قارسىلاسىن ەكىنشى راۋندتا تىزە بۇكتىردى، دەپ حابارلايدى Qamshy.kz اقپارات اگەنتتىگى. 

ماسكەۋدە تۇبىندە وتكەن جەكپە جەكتە يبراگيم ەسكەندىر تاجىريبەلى بوكسشى دميتريي انتيپوۆپەن قولباق ءتۇيىستىردى. ول كاسىپقوي بوكستا 10 رەت كەزدەسۋ وتكىزگەن. 

قازاقستاندىق سپورتشى بۇل جەڭىسىن الاشتىڭ ءتىلى – قازاق تىلىنە ارنايمىن دەدى.

ءۇشىنشى قارسىلاسىن دا نوكاۋتپەن جەڭگەن يبراگيم ەسكەندىردىڭ كەلەسى جەكپە-جەگى 7ء-شى شىلدەدە استانا قالاسىندا وتەدى.

ەستەرىڭىزگە سالا كەتەيىك، «كوك تۋدىڭ جەلبىرەگەنى» انىمەن تانىلعان يبراگيم ەسكەندىردىڭ العاشقى جەكپە جەگى شەرعاز شاقتانوۆ ەسىمدى قىرعىز سپورتشىسىمەن وتسە، ەكىنشى كەزدەسۋدە تاجىكستاندىق راسۋل سامادوۆپەن شارشى الاڭعا شىققان بولاتىن. ەكى جەكپە-جەكتە دە وتانداسىمىز ۋاقىتىنان بۇرىن جەڭىس تۇعىرىنان كورىندى.