ق ر ءدىن ىستەرى جانە ازاماتتىق قوعام ءمينيسترى دارحان كالەتايەۆ قازاقستانداعى جاپونيا ەلشىسى يچيرو كاۆاباتامەن كەزدەستى، دەپ حابارلايدى Qamshy.kz اقپارات اگەنتتىگى.

                كەزدەسۋ بارىسىندا تاراپتار ەكى جاقتى ىنتىماقتاستىقتىڭ پەرسپەكتيۆالارىن تالقىلاپ، جاستار ساياساتىن جۇزەگە اسىرۋ ماسەلەلەرى بويىنشا اڭگىمەلەستى.

        ءدىن ىستەرى جانە ازاماتتىق قوعام ءمينيسترى جاپون ەلى وكىلدەرىنىڭ الەمدىك جانە ءداستۇرلى ءدىن ليدەرلەرىنىڭ سەزى جۇمىسىنا بەلسەندى ءارى ۇدايى قاتىسۋىنا العىس ءبىلدىردى.

دارحان كالەتايەۆ جاپونيا ەلشىسىن 19-20 قازان كۇندەرى استانادا وتەتىن «جاستارعا ارنالعان ينۆەستيسيا» حالىقارالىق كونفەرەنسياسىنا قاتىسۋعا شاقىردى.

ايتا كەتەيىك، اتالعان كونفەرەنسيانى وتكىزۋ باستاماسى مينيسترلىك باسشىلىعىنىڭ حالىقتىڭ قونىستانۋى جانە دامۋى جونىندەگى پارلامەنتارييلەردىڭ ازيالىق فورۋمىنىڭ ءتوراعاسى، جاپونيا پارلامەنتى كەڭەسشىلەر پالاتاسىنىڭ دەپۋتاتى كەيدزو تاكەميمەن كەزدەسۋى بارىسىندا كەلىسىلگەن ەدى.

اتالعان باستامانى جوعارى باعالاي وتىرىپ، يچيرو كاۆاباتا حالىقارالىق كونفەرەنسيانى وتكىزۋگە بارىنشا قولداۋ كورسەتۋگە دايىن ەكەنىن حابارلادى.

          كەزدەسۋ سوڭىندا تاراپتار ءوزارا مۇددەلى باعىتتار بويىنشا ەكى جاقتى ىنتىماقتاستىقتى دامىتۋدىڭ ماڭىزدىلىعىن اتادى.