اقش-تىڭ بۇۇ-داعى تۇراقتى وكىلى نيككي حەيلي قۇراما شتاتتىڭ دۇنيەجۇزىلىك ۇيىمنىڭ ادام قۇقىعى جونىندەگى كەڭەسىنەن رەسمي تۇردە شىعاتىنىن مالىمدەدى، دەپ حابارلايدى Qamshy.kz اقپارات اگەنتتىگى.
الايدا نيككي حەيلي اقش ادام قۇقىقتارىن ساقتاۋ تۋرالى مىندەتتەمەدەن باس تارتپاعانىن اتاپ ءوتتى.
«ادام قۇقىقتارى جونىندەگى كەڭەسكە مۇشە بولۋدى توقتاتقانىمىزدى ەسكەرە وتىرىپ، ءبىز بۇۇ-نىڭ ادام قۇقىقتارى پروبلەمالارىن شەشۋگە قاتىسۋ بويىنشا بارلىق قۇرىلىمىن كۇشەيتۋگە تىرىسامىز. ەگەر ول رەفورمالانسا، ءبىز قايتادان كەڭەس مۇشەسى بولۋعا دايىنبىز»، - دەدى حەلي.
اقش پەن ادام قۇقىقتارى جونىندەگى كەڭەس ءبىر-بىرىن بىرنەشە رەت سىنعا الدى. كەڭەستىڭ سوڭعى وتىرىسىندا اق ءۇيدىڭ كوشى-قون ساياساتىنىڭ شەڭبەرىندە وتكىزىلەتىن بالالاردى اتا-انالارىنان ءبولىپ تاربيەلەۋ تاجىريبەسى ايتىلعان بولاتىن.
ءوز كەزەگىندە، ترامپتىڭ اكىمشىلىگى كەڭەستىڭ يزرايلگە قاتىستى نەمقۇرايلى قارىم-قاتىناسىن سىنعا الدى.
ترامپتىڭ قازىرگى ۇلتتىق قاۋىپسىزدىك جونىندەگى كەڭەسشىسى دجون بولتون 2006 جىلى بۇۇ-دا ادام قۇقىقتارى جونىندەگى ورگاننىڭ قۇرىلۋىنا قارسىلىق بىلدىرگەن بولاتىن.
پىكىر قالدىرۋ