اباي اتىنداعى وپەرا جانە بالەت تەاترىندا تۇڭعىش رەت يننوۆاسيالىق كورمە ءوتتى، دەپ جازادى Qamshy.kz اقپارات اگەنتتىگى. 

كورمەگە Samsung Electronics كومپانياسىنىڭ QLED زاماناۋي تەلەديدارىنىڭ الدىڭعى قاتارلى مۇمكىندىكتەرى كەڭىنەن قولدانىلعان الماتىنىڭ فوتوسۋرەتتەرى قويىلدى.

سونىمەن قاتار الماتىلىقتاردىڭ سۇيىكتى اللەياسىنا اينالعان، جاڭارتىلعان پانفيلوۆ كوشەسىنىڭ بويىندا قالا تۇرعىندارى مەن قوناقتار ءۇشىن شاھاردىڭ جوعارى ساپالى سۋرەتتەرىن كورۋگە بولاتىن اسپان استىنداعى ەرەكشە كورمە اشىلدى.

ءىس-شارا الماتى قالاسى اكىمدىگىنىڭ قولداۋىمەن Samsung Electronics كومپانياسىنىڭ QLED تەلەديدارلار برەندىمەن بىرىگىپ ۇيىمداستىرىلدى. كومپانيا "الماتىداعى ءبىر كۇن، ءومىر سۇرۋگە ارنالعان شاھار" اتتى كىتاپ-فوتو البومىن ۇسىندى.

جاڭا باسىلىمدا وڭتۇستىك استانانىڭ بىرەگەي فوتوسۋرەتتەرىن تاماشالاپ، قالانىڭ تىنىس-تىرشىلىگىن، تانىس كوشەلەرىن جانە ازاماتتاردىڭ كۇندەلىكتى ءومىرىن كورۋگە بولادى.

كورمە Ambient Mode جاڭا فيرمالىق رەجيمىمەن جاسالعان QLED تەلەديدارى ەكسپوزيسيانىڭ نەگىزى وبەكتىسى بولۋىمەن ەرەكشەلەندى. بۇل رەجيم تەلەديدارعا قابىرعانىڭ، جيھازدىڭ تۇسىنە ەنىپ، باسقا دا پايدالى اقپاراتتاردى ۇسىنا الاتىن مۇمكىندىك بەرەدى.

كورمەگە كەلۋشىلەر زاماناۋي ونەردى جاڭاشا تاسىلمەن، اسىرەسە QLED تەلەديدارى ارقىلى فوتوسۋرەتتەردەگى ءاربىر دەتالدى انىق ءارى 100 پايىزدىق ءتۇس كولەمىمەن تاماشالايتىن مۇمكىندىككە يە بولدى. 

كورمەنىڭ قۇرمەتتى مەيمانى بولعان قالا اكىمى باۋىرجان بايبەك Samsung Elecrtonics كومپانياسىنا العىس ايتتى.

"بۇل يننوۆاسيالىق كورمەنىڭ الماتى قالاسىنىڭ دامۋى مەن مادەنيەتى ءۇشىن ماڭىزى جوعارى. وزدەرىڭىز بىلەتىندەي الماتى – مىڭ بوياۋلى قالا. ەلباسى تاۋەلسىزدىكتىڭ العاشقى جىلدارىندا ەلىمىز ءۇشىن ەڭ ماڭىزدى شەشىمدەردى وسى قالادا قابىلداعان.  فوتوالبومدى ءبىرىنشى رەت كورگەندە قاتتى قۋاندىم. قالانى ءدال وسى قالپىندا كورە ءبىلۋ ءۇشىن، ونى شەكسىز ءسۇيۋ كەرەك"،- دەدى شاھار باسشىسى.

Samsung Elecrtonics كومپانياسىنىڭ پرەزيدەنتى بەن يۋن قازاقستاندىقتار ءۇشىن يننوۆاسيالىق مۇمكىندىكتەردى ەنگىزۋگە قۋانا كەلىسەتىنىن ايتتى.

ءبىر جىل بۇرىن كومپانيا استاناداعى EXPO-2017 كورمەسىندە QLED جەلىسىنىڭ ونىمدەرىن ەل نازارىنا ۇسىنسا، بۇگىن الماتىدا ۇلكەن مەرەكە ۇيىمداستىرىپ جاتىر. اتالمىش برەند وڭتۇستىك استانادا 1996 جىلدان بەرى جۇمىس ىستەپ كەلەدى.

"ءبىز مەگاپوليستىڭ جىل سايىن ءوسىپ كەلە جاتقانىنا، الەۋمەتتىك جاۋاپكەرشىلىك پەن يننوۆاسيالىق ءتاسىل سىندى وزگەرىستەرگە ۇلەسىن قوسقانى ءۇشىن قۋانىشتىمىز. بۇل ۇردىستەر قالادا ءومىر ءسۇرۋ ساپاسىن جاقسارتۋعا كومەكتەسەدى.  QLED تەليەۆيزيالىق برەندى - اينالاداعى شىنايى كورىنىستەردى جارقىن تۇستەردە جانە كۇندەلىكتى ومىردە كورىنبەيتىن ەڭ كىشكەنتاي بولشەكتەردى كورسەتۋدى قالايتىنىمىزدىڭ ايقىن دالەلى"، - دەدى يۋن.

ءىس-شارا بارىسىندا Samsung جانە الماتى قالاسىنىڭ اكىمدىگى دەنساۋلىق ساقتاۋ، ءبىلىم بەرۋ مەن "جاسىل" تەحنولوگيالار، "اقىلدى قالا" جوباسىن دامىتۋ سالاسىنداعى ىنتىماقتاستىق تۋرالى مەموراندۋمعا قول قويدى.