گەرمانيا كانسلەرى انگەلا مەركەل بريۋيۋسەلدە ەۋروپا وداعى (ەو) ەلدەرى باسشىلارىنىڭ بەيرەسمي كەزدەسۋىندە ميگراسيا ماسەلەسى بويىنشا ەكىجاقتى جانە ءۇشجاقتى كەلىسىمگە قول جەتەتىنىنەن ءۇمىتتى ەكەنىن ايتتى. مەركەل وسى اپتادا وتەتىن ميگراسيالىق ساياسات بويىنشا سامميتتە ەو-نىڭ 28 ەلى بىردەي كەلىسىمگە كەلۋى ەكىتالاي ەكەنىن مويىندايدى.

فرانسيا پرەزيدەنتى ەممانۋەل ماكروننىڭ سوزىنشە، ەو-داعى ميگراسيالىق داعدارىس ساياسي داعدارىسقا ۇلاستى. ەو-نىڭ سىرتقى شەكاراسىن قورعاۋ عانا ەمەس، ەو-نىڭ ءوز ىشىندەگى ميگراسيالىق اعىندى رەتتەۋ وزەكتى ماسەلەگە اينالىپ وتىر. ول اسىرەسە يتاليانىڭ ميگراسيالىق ساياساتىن رەفورمالاۋ كەرەگىن ايتادى. بۇل ەل سوڭعى ۋاقىتتا افريكا ەلدەرىنەن تەڭىز ارقىلى بوسقىنداردى ەلگە كىرگىزبەي وتىر. ورتالىق ەۋروپا ەلدەرىنىڭ كوبى ەو اياسىندا بوسقىنداردى قايتا ءبولۋ ساياساتىنا ۇزىلدى-كەسىلدى قارسى.

ەو ەلدەرى اراسىندا كەلىسىمنىڭ جوقتىعى گەرمانيانىڭ وزىندە مەركەلدىڭ بيلىگىن السىرەتۋى مۇمكىن. بۇل ەلدە ميگراسيالىق ماسەلەگە بايلانىستى ۇكىمەتتە داعدارىس تۋىنداۋ ءقاۋپى بار.

بريۋسسەلدەگى ەو ءسامميتى 28-29 ماۋسىم كۇندەرى وتەدى.