قازاقستاندىقتار ءۇشىن ەلەكتروندى ۇكىمەت پورتالىنداعى جەكە مالىمەتتەردى بۇعاتتايتىن فۋنكسيا قولجەتىمدى بولا باستادى، دەپ حابارلايدى Qamshy.kz اقپارات اگەنتتىگى.
جوبانى «ازاماتتارعا ارنالعان ۇكىمەت» مەملەكەتتىك كورپوراسياسى «ۇلتتىق اقپاراتتىق تەحنولوگيالار» اق-مەن بىرىگىپ جۇزەگە اسىردى.
«رۇقساتسىز اۋدارىمدار مەن جەكە مالىمەتتەردى پايدالانۋ تاۋەكەلىن ازايتۋ ءۇشىن ازاماتتارعا جەكە دەرەكتەرىنە تولىق قولجەتىمدىلىك بەرەتىن جوبانى ىسكە اسىردىق. باسقاشا ايتقاندا حقكو وپەراتورلارى جەكە مالىمەتتەردى ازاماتتاردىڭ رۇقساتىمەن عانا پايدالانا الادى»،-دەپ ءتۇسىندىردى «ازاماتتارعا ارنالعان ۇكىمەت» كورپوراسياسىنىڭ باسشىسى ابىلايحان وسپانوۆ.
جوبا ەكى كەزەڭ بويىنشا جۇزەگە اسادى. قازىرگى تاڭدا قولدانۋشىلاردىڭ جەكە كابينەتتەرىندە دەرەكتەردى بۇعاتتاۋ فۋنكسياسى پايدا بولدى. كەز-كەلگەن قولدانۋشى ءوزىنىڭ مالىمەتتەرىن ءوشىرىپ قايتا قوسا الادى. مۇنىمەن قوسا قىزمەت الۋشىلار اقپاراتتاردى تەك جەكە كابينەتى ارقىلى عانا بۇعاتتاي الادى.
ەكىنشى كەزەڭدە جىلدىڭ اياعىنا دەيىن جەكە مالىمەتتەردى بۇعاتتاۋدى وشىرەتىن SMS سەرۆيس ىسكە قوسىلادى. ياعني، جەكە مالىمەتتەرگە قولجەتىمدىلىك مۇمكىن بولماعان جاعدايدا حقكو وپەراتورى ازاماتتىڭ جسن ءنومىرى ارقىلى ارى قاراي قولدانۋ تۋرالى حات الادى. SMS ارقىلى راستالعان سوڭ عانا وفيس قىزمەتكەرى مەملەكەتتىك قىزمەت كورسەتۋ ءۇشىن جەكە مالىمەتتەرگە قول جەتكىزە الادى.
ايتا كەتەرلىك ءجايت، اتالمىش قىزمەتتى قولدانۋ ءۇشىن ءموبيلدى ازاماتتار بازاسىنا تىركەلۋ كەرەك. تىركەلۋدى ەلەكتروندى ۇكىمەت پورتالىنىڭ جەكە كابينەتىندە نەمەسە كەز-كەلگەن حقكو-دا ىسكە اسىرۋعا بولادى.
