الماتى اكىمى باۋىرجان بايبەك قالانىڭ كوممۋنالدىق مەشىگىنە قايتارىلعان باۋم باعىن اباتتاندىرۋ جۇمىستارىنىڭ بارىسىمەن تانىستى. تابيعي ەسكەرتكىشتىڭ اۋماعى 139،5 گا، مۇندا 100 مىڭنان استام جاسىل جەلەك بار. بۇل جايىندا الماتى قالاسى اكىمدىگىنىڭ سايتىندا حابارلاندى. 

پارك اۋماعىنىڭ پەريمەترى بويىنشا قوعامدىق قاۋىپسىزدىكتى قامتاماسىز ەتۋ ءۇشىن تاۋلىك بويىنا جۇمىس ىستەيتىن ءتورت پوليسيا نۇكتەسى قويىلعان. پوليسيا نۇكتەلەرى قالا ءماسليحاتىنىڭ دەپۋتاتى قايرات قۇدايبەرگەننىڭ جەكە قارجىسى ەسەبىنەن جۇمىس ىستەۋدە. ب ا ق اينالاسىن جاس پاترۋلشىلدەردىڭ باقىلاۋى قاراستىرىلۋدا. ەكو ستيلدەگى ناۆيگاسيالىق تاقتاشالار ءىلىنىپ، بۇرىن جىعىلعان اعاشتاردان جاسالعان 20 وىرندىق قويىلعان.

جۇرگىزىلگەن مونيتورينگ كەزىندە باقتىڭ 2،5 گا جەرىن جەكە ادامداردىڭ جانە كولىك تۇراعىن جاساۋ ءۇشىن اۆتوسالون يەلەرىنىڭ ءوز بەتتەرىمەن باسىپ العاندارى انىقتالدى. مەگاپوليس باسشىس زاڭعا سايكەس باقتىڭ باسىپ الىنعان جەرلەرىن قايتارۋدى جانە جاسىلداندىرۋدى تاپسىردى.

«قالالىقتاردىڭ دەمالۋى ءۇشىن كاپيتال شىعىنىسىز جانە ەكولوگياعا بارىنشا از اسەر ەتىپ، جايلى جاعداي جاساۋ قاجەت. عالىمداردى تارتا وتىرىپ، جاسىل جەلەكتى قورعاۋ جانە ۇلعايتۋ قاجەت، توپىراقتىڭ جانە كليماتتىڭ ەرەكشەلىگى ەسكەرىلىپ، اعاشتار ساپالى كۇتىلۋى ءتيىس. اللەيانى جارىقتاندىرۋ ءۇشىن جاڭارعان ەنەرگيا كوزدەرىن پايدالانعان ءجون، ويتكەنى تابيعي ايماق ەرەكشە قورعالادى جانە مۇندا ينجەنەرلىك جەلىلەردى جۇرگىزۋگە بولمايدى»، - دەپ اتاپ ءوتتى باۋىرجان بايبەك.

باۋم باعىندا قايىڭ الاەياسىن جاساۋ، تەرەك، تال اعاشتارىن وتىرعىزۋ جوسپارلانعان. شىلدە ايىندا اعاشتاردىڭ يممۋنيتەتىن جاقسارتاتىن جانە ونى زيانكەستەردەن قورعايتىن زاماناۋي پرەپاراتتار ساتىپ الىنىپ، بيولوگيالىق وڭدەۋ جۇمىستارى اتقارىلادى. تابيعي ايماقتا فلورا مەن فاۋنانى كەڭەيتۋ مىندەتى قويىلعان.

بۇلاردان وزگە، ب ا ق اينالاسى سانيتارلىق تازالىقتان وتۋدە. تەك سوڭعى سەنبىلىك كەزىندە وسى جەردەن 43 ساموسۆال قوقىس شىعارىلدى. ب ا ق اۋماعىندا ءيتتى سەرۋەندەتەتىن الاڭ مەن بالالاردىڭ اعاش قالاشىعى پايدا بولادى. باقتىڭ سىرتقى جاعىن جارىقتاندىرۋ جۇيەسى جاڭارادى، ۇلكەن الماتى كانالى اۋماعىندا بالالار الاڭى جاسالادى.

ايتا كەتەرلىگى، الماتىدا بيىلعى جازدا 157 كوشە جوندەلەدى، 600 اۋلا كورىكتەندىرىلەدى. بارلىق جەر استى وتپەلى جولدار كۇردەلى جوندەلەدى، جاڭا فونتاندار سالىنادى. بۇرىن قايتا جاسالعان پانفيلوۆ، جىبەك جولى، گوگول، قابانباي باتىر، بايسەيىتوۆا، تولەبايەۆ كوشەلەرى مەن «استانا» الاڭىنان وزگە مەگاپوليستىڭ ءبىرقاتار نەگىزگى داڭعىلدارى تۇگەلدەي جاڭارادى.