قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ بۇقارالىق اقپارات قۇرالدارى سالاسىنداعى سىيلىقتارىن بەرۋ، گرانتتارىن تاپسىرۋ جانە العىسىن جاريالاۋ تۋرالى وكىمگە قول قويدى، دەپ حابارلايدى Qamshy.kz اقپارات اگەنتتىگى.
"ەلدىڭ الەۋمەتتىك-ەكونوميكالىق جانە قوعامدىق-ساياسي دامۋىن اقپاراتتىق تۇرعىدان قامتاماسىز ەتۋ ىسىندەگى بۇقارالىق اقپارات قۇرالدارىنىڭ ەلەۋلى ءرولىن ەسكەرە وتىرىپ، قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ، گرانتتارىن تاپسىرۋ جانە العىسىن جاريالاۋ جونىندەگى قوعامدىق كوميسسيانىڭ ۇسىنىمىن قاراي كەلىپ،
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى
- «ءىnformburo.kz» ينتەرنەت-پورتالىنىڭ باس رەداكتورىنا وتاندىق بۇقارالىق اقپارات قۇرالدارىن جانە اقپاراتتىق-ساراپتامالىق ەلەكتروندى رەسۋرستاردى دامىتۋعا قوسقان ۇلەسى ءۇشىن دوروفەيەۆ ميحايل ۆيكتوروۆيچكە؛
- «استانا» رەسپۋبليكالىق تەلەارناسىنىڭ باس ديرەكتورىنا قازاقستاندىق جۋرناليستيكانى جانە ۇلتتىق تەليەۆيدەنيەنى دامىتۋعا قوسقان ەلەۋلى ۇلەسى ءۇشىن تانىسباي ءلاززات مۇراتقىزىنا بەرىلەدى.
بۇقارالىق اقپارات قۇرالدارى سالاسىنداعى گرانتتار:
- «حابار» رەسپۋبليكالىق تەلەارناسىنىڭ ساراپتامالىق باعدارلامالار ءبولىمىنىڭ تىلشىسىنە مەملەكەت باسشىسىنىڭ قىزمەتىن جان-جاقتى ءارى ساپالى جاريالاپ-كورسەتكەنى ءۇشىن ءادىلوۆا ايگۇل نۇرحانقىزىنا؛
- «قازاقستان» ۇلتتىق تەلەارناسى اقپاراتتىق-ساراپتامالىق باعدارلامالار ديرەكسياسى ديرەكتورىنىڭ ورىنباسارىنا وتاندىق تەليەۆيدەنيەدەگى اقپاراتتىق-ساراپتامالىق باعدارلامالاردى ىلگەرىلەتۋ ىسىندە قول جەتكىزگەن كاسىبي جەتىستىكتەرى ءۇشىن جيەنالى مەيىرجان الىبەكۇلىنا تاپسىرىلادى.
بۇقارالىق اقپارات قۇرالدارى سالاسىنداعى پرەزيدەنتتىڭ العىسى
- وتاندىق تەليەۆيزيالىق جۋرناليستيكانى دامىتۋعا قوسقان ۇلەسى ءۇشىن «الماتى» تەلەارناسىنىڭ شىعارماشىلىق ۇجىمىنا؛
- استانانىڭ الەۋمەتتىك-ەكونوميكالىق جانە مادەني-گۋمانيتارلىق دامۋىنداعى ماڭىزدى تاقىرىپتار مەن نەگىزگى ماسەلەلەردى جاريالاپ-كورسەتۋگە قوسقان ەرەكشە ۇلەسى ءۇشىن «استانا اقشامى» رەسپۋبليكالىق قوعامدىق-ساياسي گازەتىنىڭ شىعارماشىلىق ۇجىمىنا؛
- ەلىمىزدىڭ وسكەلەڭ ۇرپاعىن تاربيەلەۋ ىسىنە جانە قازاقستاندىق ءپاتريوتيزمدى نىعايتۋعا قوسقان زور ۇلەسى ءۇشىن «بالدىرعان» رەسپۋبليكالىق بالالار جۋرنالىنىڭ شىعارماشىلىق ۇجىمىنا؛
قازاقستانداعى وزبەكستان جىلىن جانە ءتۇرلى سالالارداعى قازاقستان-وزبەكستان ىنتىماقتاستىعىن دامىتۋ ماسەلەلەرىن جاريالاپ-كورسەتكەنى ءۇشىن «وزبەكستاننىڭ ۇلتتىق تەلەراديوكومپانياسى» شىعارماشىلىق ۇجىمىنا جاريالاندى"، - دەلىنگەن حابارلامادا.
ەستەرىڭىزگە سالساق، بايلانىس جانە اقپارات سالاسى ماماندارىنىڭ كاسىبي مەرەكەسى قازاقستاندا 28 ماۋسىمدا اتاپ وتىلەدى. وسىعان دەيىن ق ر مەملەكەتتىك حاتشىسى گۇلشارا ءابدىقالىقوۆا ب ا ق سالاسى بويىنشا ەلباسىنىڭ سىيلىعىنا يە بولعاندار 4 ميلليون، ال گرانت يەگەرلەرى 3 ملن 215 مىڭ تەڭگەدەن الادى دەپ مالىمدەگەن بولاتىن.
