وسكەمەن قالاسى اكىمىنىڭ بۇيرىعىمەن باۋىرجان قۇدياروۆ قالا اكىمىنىڭ ورىنباسارى بولىپ تاعايىندالدى.
باۋىرجان مامۇتحان ۇلى 1978 جىلى 12 شىلدەدە شىمكەنت وبلىسىنىڭ كەنتاۋ قالاسىندا دۇنيەگە كەلگەن. ەكى جوعارى ءبىلىمى بار. 1999 جىلى قازاق حالىقارالىق قاتىناستار جانە قۇقىقتانۋ ينستيتۋتىن «قۇقىقتانۋ» ماماندىعى بويىنشا بىتىرگەن. ال 2017 جىلى د.سەرىكبايەۆ اتىنداعى شىعىس قازاقستان مەملەكەتتىك ۋنيۆەرسيتەتىندە «كولىك قۇرىلىسى» ماماندىعىن العان.
1999 جىلدان 2012 جىلعا دەيىن قازاقستان رەسپۋبليكاسىنىڭ كەدەندىك ورگاندارىندا جەمقورلىق قۇقىقبۇزۋشىلىققا قارسى كۇرەس جونىندەگى اسكەري پوليسياسىنىڭ جاساعىندا، قوستاناي وبلىسى بويىنشا كولىكتىك باقىلاۋ باسقارماسىندا، شقو بويىنشا كولىكتىك باقىلاۋ باسقارماسىندا، سونداي-اق، شقو جانە پاۆلودار وبلىسى بويىنشا «ەرتىس» كولىكتىك باقىلاۋ ينسپەكسياسىندا مەملەكەتتىك قىزمەتتەر اتقارعان.
2012 جىلدىڭ مامىر ايىنان جەلتوقسانعا دەيىن وسكەمەن قالاسى اكىمدىگىنىڭ «ءبىرجولعى تالوندار بەرۋ ورتالىعى» كمم-دى باسقاردى. قالا اكىمى ورىنباسارى لاۋازىمىنا تاعايىندالماس بۇرىن، 2012 جىلدىڭ جەلتوقسان ايىنان قالا قۇرىلىسى ءبولىمىن باسقارىپ كەلگەن.
