بۇل تۋرالى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باتىس قازاقستان وبلىسى بويىنشا دەپارتامەنتى كورسەتىلەتىن مەملەكەتتىك قىزمەتتەر باسقارماسىنىڭ باس مامانى ن. نۇرالييەۆا بىلايشا جەتكىزگەن ەدى.

-«ەلەكتروندىق ۇكىمەت» پورتالى كۇننەن-كۇنگە تانىمال بولىپ قانا قويماي، ءاربىر ازاماتقا قولجەتىمدى بولۋىمەن ەرەكشەلەنۋدە. بقو اۋداندارى مەن اۋىلدىق وكرۋگتەرىندە «ەلەكتروندى ۇكىمەت بۇرىشى» ىسكە قوسىلا باستادى.  ەلەكتروندى ۇكىمەت بۇرىشىنىڭ قىزمەتىن پايدالانۋ ارقىلى تۇرعىندار ءبىر جاعىنان ۋاقىتىن ۇنەمدەيدى ءارى ماشىققاننان كەيىن سيفرلىق تەحنولوگيانى مەڭگەرگەن تۇلعاعا اينالادى. جۋىردا ەلەكتروندىق ۇكىمەت  پورتالىندا «انىقتاماسىز قىزمەت»  «Paper free» سەرۆيسى ىسكە قوسىلدى. جاڭا پيلوتتىق جوباعا سايكەس SMS-حابارلاما ارقىلى قىزمەت الۋشىنىڭ رۇقساتى راستالعان جاعدايدا ءۇشىنشى تۇلعالارعا انىقتامالار الۋعا مۇمكىندىك بەرىلەدى. بۇل سەرۆيستى قولدانۋ ءۇشىن ءموبيلدى ازاماتتار بازاسىنا تىركەلۋ قاجەت.

«انىقتاماسىز قىزمەت» مەحانيزمىنە سايكەس مۇددەلى تۇلعا ەلەكتروندىق ۇكىمەت پورتالىندا اۆتوريزاسيادان ءوتۋى ءتيىس. «ءۇشىنشى تۇلعالاردىڭ انىقتاما الۋ سەرۆيسى» ءبولىمىن تاڭداپ، جەكە سايكەستەندىرۋ ءنومىرىن (جسن) جازۋىنا بولادى. ەگەر ازامات ءموبيلدى ۇكىمەتتەر بازاسىندا تىركەلگەن بولسا، مۇددەلى تۇلعا انىقتاما ءتۇرىن تاڭداپ، ءوزىنىڭ ەلەكتروندىق-سيفرلىق قولتاڭباسىمەن قول قويادى. سول ساتتە پورتال اۆتوماتتى تۇردە ازاماتقا SMS-حابارلاما جولداپ، ءۇشىنشى تۇلعاعا مالىمەت بەرۋ، بەرمەۋ جونىندە شەشىم قابىلداۋىن سۇرايدى. ازامات ەكى ساعات ىشىندە جاۋاپ بەرۋى ءتيىس. وڭتايلى جاۋاپ العاننان كەيىن انىقتاماسىن الا الادى. موبيلدىك ۇكىمەتكە تىركەلۋ ءۇشىن، پايدالانۋشى ەلەكتروندىق ۇكىمەت پورتالىنىڭ «جەكە كابينەتىندەگى»، «تەلەفون» سىزىق جولىنا تەلەفون ءنومىرىن ەنگىزىپ، وسىلايشا ءوزىن پورتالداعى mGov موبيلدىك قورىندا تىركەۋ نەمەسە حالىققا قىزمەت كورسەتۋ ورتالىعىنا جۇگىنىپ، تەلەفون ءنومىرىن بەكىتۋ كەرەك. اتالعان سەرۆيستى قولدانۋدى كەڭىنەن ناسيحاتتاۋ ماقساتىندا وتكەن اپتادا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ بقو بويىنشا دەپارتامەنتىنىڭ ۇيىمداستىرۋىمەن پاتەر يەلەرىنىڭ كووپەراتيۆتەرى باسشىلارى مەن كوممۋنالدىق قىزمەتتەر وكىلدەرىنىڭ قاتىسۋىمەن سەمينار-كەڭەس ءوتتى. وندا حالىققا قىزمەت ەتۋ ورتالىعىنىڭ قىزمەتكەرلەرى قاتىسۋشىلارعا سەرۆيستى قولدانۋ بويىنشا تولىق تۇسىنىك بەردى. الداعى ۋاقىتتا ءبىزدىڭ دەپارتامەنت مۇنداي شارالاردى جالعاستىرا تۇسەدى.