ايەلدەر ءۇشىن ەڭ ءقاۋىپتى مەملەكەتتەر قاتارىندا ءۇندىستان ءبىرىنشى ورىنعا جايعاستى دەپ حابارلايدى Qamshy.kz اقپارات اگەنتتىگى The Thomson Reuters قورىنىڭ سايتىنا سىلتەمە جاساپ.

ساۋالناماعا 550 ساراپشى قاتىسقان.

ءۇندىستان بىرنەشە تارماقتار بويىنشا ەڭ ءقاۋىپتى ەلدەردىڭ قاتارىندا ءبىرىنشى ساناتتا. ولارعا سەكسۋالدى زورلىق فاكتىلەرىنىڭ كوپتىگى، ادام ساۋداسى، سەكسۋالدى قۇلدىق جاتادى.

اۋعانستان. ساراپشىلاردىڭ شەشىمى بويىنشا مۇنداعى ايەلدەر تاليبتەردىڭ قۇلدىراۋىنان كەيىن 17 جىلدان بەرى ۇلكەن پروبلەمالارعا ۇشىراي باستاعان. اۋعانستان ءۇش تارماق بويىنشا ايەلدەر ءۇشىن ەڭ ءقاۋىپتى مەملەكەت سانالادى: سەكسۋالدى زورلىق، مەديسينالىق كومەك پەن ەكونوميكالىق رەسۋرستارعا قولجەتىمدىلىك.

 جەتى جىلدان بەرى ءجۇرىپ جاتقان ازاماتتىق سوعىستان كەيىن سيريا ءۇشىنشى ورىندا كەلەدى. ايەلدەردىڭ ءومىرى مۇندا سەكسۋالدى زورلىق دەڭگەيىنىڭ  جوعارى بولۋىمەن، وتباسىنداعى كۇش قولدانۋ ارەكەتتەرىنىڭ كوپتىگىنە بايلانىستى ءقاۋىپتى سانالادى.

ءتورتىنشى ورىندا سومالي. بۇل دەنساۋلىق ساقتاۋعا قولجەتىمدىلىك بويىنشا ايەلدەر ءۇشىن ءۇشىنشى ەڭ ءقاۋىپتى ەل. ءسوماليدىڭ مادەني داستۇرلەرى ايەلدەرگە قاتال قاراۋعا مۇمكىندىك بەرەدى. سونىمەن قاتار، مۇندا ايەلدەردىڭ ەكونوميكالىق رەسۋرستارعا قول جەتىمدىلىگى كۇردەلى ماسەلەگە اينالعان.

بەسىنشى ورىندا ساۋد ارابياسى. ساراپشىلاردىڭ پىكىرىنشە، بۇل پاتشالىقتا ايەلدەردىڭ ەكونوميكالىق رەسۋرستارعا قولجەتىمدىلىگى تومەن، كەمسىتۋ ارەكەتتەرى كوپ. ساۋد ارابياسىندا ايەلدەر ءدىني جانە مادەني داستۇرلەرگە بايلانىستى قيىندىقتارعا ءجيى ۇشىرايدى.

بۇدان كەيىن پاكىستان، كونگو، يەمەن، نيگەريا جانە اقش مەملەكەتتەرى ورنالاسقان. اقش ايەلدەردىڭ سەكسۋالدىق زورلىق-زومبىلىققا ۇشىراۋ ءقاۋپىنىڭ ارتۋىنا بايلانىستى وسى تىزىمگە ەنىپ وتىر.