Nazerke Semey اتتى Facebook قولدانۋشىسى "نۇر" ءسوزىنىڭ ءمان-ماعىناسىنا تالداۋ جاسادى، دەپ حابارلايدى Qamshy.kz اقپارات اگەنتتىگى. ونىڭ ويىنشا، "نۇردىڭ" ءبارىن ەلباسىنىڭ ەسىمىمەن بايلانىستىرۋ ورىنسىز.

"دۇنيەگە نۇرپرەزيدەنت كەلدى" - جاعىمپازدىق!
"نۇرلى جول" - جاعىمپازدىق!
نۇر-استانا مەشىتى - جاعىمپازدىق!
نۇر وتان - جاعىمپازدىق!
نۇردىڭ ءبارى جاعىمپازدىق، ايتەۋىر...
نۇر سۇرەسى دە جاعىمپازدىق شىعار، ءا؟! ؟ (ويلانۋعا ارنالعان ءۇزىلىس. ويلانىپ بولدىڭىز با؟ - ەندەشە، جالعاستىرايىق)
⤵
"نۇر"- قاسيەتتى قۇران-كارىمنىڭ 24-سۇرەسى.
☝
اتالمىش سۇرەنىڭ 43-اياتىندا: "كورمەيسىڭ بە؟ راسىندا اللا بۇلتتاردى ايدايدى. سوسىن ونىڭ ارالارىن بىرىكتىرەدى. سونان سوڭ ونى قابات-قابات قىلادى. سوندا بۇلتتىڭ ارالارىنان جاڭبىر شىققانىن كورەسىڭ. جانە اسپاننان ىشىندە بۇرشاعى بار (بۇلت) تاۋلارىن تۇسىرەدى دە ول ارقىلى قالاعان پەندەسىنە اپات جەتكىزىپ، قالاعانىنان بۇرىپ، اكەتەدى. نايزاعايدىڭ جارقىلى كوزدەردى اكەتە جازدايدى" دەلىنگەن. ☝
پايعامبارىمىز (س.ا.ۋ.) «اسپان ەسىكتەرى اشىلىپ مىنا ءتورت جاعدايدا جاسالعان دۇعا قابىل بولادى: اللا جولىندا ساپتار بىر-بىرىنە جولىققاندا، جاڭبىر جاۋعاندا، نامازعا قامات ءتۇسىرىلىپ جاتقاندا جانە كاعبانى كورگەندە» دەگەن ەكەن [ات-تاباروني، ابي ۋمامادان].
☝
كەلتىرىلگەن ايات پەن ءحاديستىڭ اراسىنداعى بايلانىستى بايقادىڭىز با؟
؟
اللا بۇيىرىپ جاۋدىرعان جاڭبىردىڭ قادىر-قاسيەتىن بىلگەن قازاق حالقى جاۋىن-شاشىندى وسى سەبەپتى "اللانىڭ نۇرى" دەيدى. مۇقاعالي ماقاتايەۆتىڭ "نۇر جاۋىپ تۇرعان كوكتەمدە..." دەپ باستالاتىن ولەڭىندەگى "نۇر" دا سول جاۋىن عوي. بۇنى بىلمەيتىندەر بار ەكەن ؟ ماسقارا!
نەگىزى "نۇر" ءسوزىنىڭ تۋرا ماعىناسى، اۋدارماسى - جارىق. جارىقتىڭ نەسى جامان؟!؟
ءداستۇرلى ءدىندى ۇستانعان قازاقتىڭ بالاسىنا نۇرلان، نۇربول، نۇربەك، نۇرگۇل، ءنۇربيبى ت.س.س. ەسىمدەردى بەرۋىندەگى باستى ماقسات قازىرگى كوپشىلىك ويلاعانداي جاعىمپازدانۋ ەمەس، پەرزەنتىنىڭ يماندى، كەڭ جۇرەكتى، ادال بولىپ ءوسۋىن تىلەگەنى شىعار؟ سونداي زور ماعىنالى، ادەمى ءسوزدى اكەپ، جاپ-جامان جاعىمپازدىقپەن ەگىز ەتتىك. قاراڭعىلىق قوي! كەي ادامدار ءتىپتى "نۇر" دەگەن ءسوزدى جەك كورىپ كەتتى... ؟ 
وكىنىشتى-اق... ساۋاتسىز كوپشىلىك ءۇشىن نۇردىڭ قۇر ءبىر بۋىندى "پريستاۆكا" بولىپ قالعانى وكىنىشتى-اق..." - دەپ جازدى اۆتور.