ورالداعى قالالىق م.گوركيي اتىنداعى كىتاپحانادا ەلباسىمىزدىڭ «رۋحاني جاڭعىرۋ» قوعامدىق سانانى جاڭعىرتۋ باعدارلاماسى اياسىندا «لاتىن ءالىپبيى كابينەتى» اشىلدى.

كابينەتتىڭ اشىلۋىنا ورال قالالىق مادەنيەت جانە تىلدەردى دامىتۋ ءبولىمىنىڭ وكىلدەرى، مادەنيەت مەكەمەلەرىنىڭ باسشىلارى، ق ر ۇۇ «باتىس» وڭىرلىك قولباسشىلىعى مەن 5517 اسكەري ءبولىمىنىڭ ءتىل ماماندارى قاتىستى.

 اتالمىش اشىلعان لاتىن ءالىپبيى كابينەتىندە ۇلتتىق الفاۆيت، سەمينار-ترەنينگتەر، وقۋ كۋرستارى، لينگۆيست عالىمداردىڭ ونلاين كەڭەستەرى وقىتىلاتىن بولادى.سونداي-اق، مۇندا تەك كىتاپحانا قىزمەتكەرلەرى ەمەس،  بارلىق قالا تۇرعىندارىمەن قاتار ۇلتتىق ۇلاننىڭ  جەكە قۇرامىدا  دا لاتىن الىپبيىنە ۇيرەنە الادى.

  سالتاناتتى جيىندا م.گوركيي اتىنداعى كىتاپحانا ديرەكتورى گۇلايىم   اقاشايەۆا، ورال قالالىق مادەنيەت جانە تىلدەردى دامىتۋ ءبولىمىنىڭ ءتىل سەكتورىنىڭ  مەڭگەرۋشىسى روزا  زاينۋللينا، قازاقستان رەسپۋبليكاسى ۇلتتىق ۇلاننىڭ «باتىس» ءوڭىرلىق  جانىنداعى حالىق مادەنيەتى ۋنيۆەرسيتەتىنىڭ رەكتورى شاميل  مەڭدىعالييەۆ،  قازاقستان رەسپۋبليكاسى ۇلتتىق ۇلاننىڭ «باتىس» ءوڭىرلىق تاربيە  جانە الەۋمەتتىق-قۇقىقتىق باسقارماسىنىڭ  وفيسەرى  كاپيتان  ءومىرجان عابيت ءسوز  سويلەدى.

م.گوركيي اتىنداعى كىتاپحانا ديرەكتورى گۇلايىم   اقاشايەۆانىڭ سوزىنە قاراعاندا لاتىن گرافيكاسىن وقىتۋعا ارنالعان مۇنداي  كابينەتتەر  الداعى  ۋاقىتتا وبلىسىمىزدىڭ اۋداندارىنداعى   بارلىق كىتاپحانالارىندا اشىلماق.ال، باتىس قازاقستان وبلىسىنىڭ كىتاپحاناسىندا مۇنداي   كابينەتتىڭ اشىلۋى – تاريحي ءمانى بار وقيعا.

ء-بىز تاۋەلسىزدىك العانمەن، جازۋدا تاۋەلسىزدىككە قولىمىز جەتپەي جۇرگەن ەدى. ال، 2017 جىلدىڭ 26-قازاندا ەلباسى ولقىلىقتىڭ ورنىن تولتىردى. ەندى جاڭا ءالىپبي ۇلگىسى قابىلداندى.بۇرىن ەكى تىلدە 76 ءارىپ قولدانىپ كەلسەك، ەندى ءبىر تىلدە 32 ارىپپەن جازاتىن بولامىز. جاڭادان اشىلىپ جاتقان  كابينەتتىڭ  لاتىن ءتىلىن مەڭگەرۋدە الار ورىنى ەرەكشە – دەدى كابينەتى  اشىلۋ سالتاناتىندا ورال قالالىق مادەنيەت جانە تىلدەردى دامىتۋ ءبولىمىنىڭ ءتىل سەكتورىنىڭ  مەڭگەرۋشىسى روزا  زاينۋللينا

ال، قازاقستان رەسپۋبليكاسى ۇلتتىق ۇلاننىڭ «باتىس» ءوڭىرلىق  جانىنداعى حالىق مادەنيەتى ۋنيۆەرسيتەتىنىڭ رەكتورى شاميل  مەڭدىعالييەۆ  ءوزىنىڭ وسى گرافيكاعا اۋىسۋدى 2000 جىلدان بەرى كۇتىپ كەلگەنىن ايتىپ، لاتىن جازۋىنىڭ قازاقتى توپتاستىرۋى كەرەكتىگىن العا تارتتى.

ء-بىزدىڭ بىرلىگىمىز، تىرلىگىمىز مىقتى بولۋى كەرەك. وسى جەردە جاستارعا ايتارىم، لاتىن جازۋى – ءبىزدىڭ بولاشاعىمىز. سوندىقتان وسى جازۋدى قازىردەن باستاپ ۇيرەنۋگە، جازۋعا شاقىرامىن،- دەدى قوعام قايراتكەرى.

-لاتىن الىپبيىنە كوشۋ – زامان تالابى، جاھاندانۋ ۇدەرىسىندەگى وركەنيەتكە اپارار جول. لاتىن — يندۋستريا ءتىلى، سوندىقتان لاتىن قارپىنە كوشەتىن كەزەڭ ناق وسى شاق، — دەدى قازاقستان رەسپۋبليكاسى ۇلتتىق ۇلاننىڭ «باتىس» ءوڭىرلىق تاربيە  جانە الەۋمەتتىق-قۇقىقتىق باسقارماسىنىڭ وفيسەرى  كاپيتان  ءومىرجان عابيت.

 ءوز كەزەگىندە كىتاپحانا قىزمەتكەرى  گۇلنۇر العازى  لاتىن الىپبيىنە كوشۋدىڭ ءمانى مەن ماڭىزىن ءتۇسىندىرىپ، لاتىن گرافيكاسىنا نەگىزدەلگەن قازاق ءتىلىنىڭ جاڭا الىپبيىمەن تانىستىردى،  جاڭا الىپبيدە كەزدەسپەيتىن «س»، «ە»، «يۋ» ارىپتەرىن لاتىن تاڭباسىمەن قالاي جازىلاتىندىعى، سونداي-اق كومپيۋتەردە كيريليسامەن تەرگەن ءماتىندى اۆتوماتتى تۇردە لاتىن گرافيكىسىنە اۋدارۋ ءۇشىن كونۆەرتەردى قولدانۋ، قازىرگى پەرنەتاقتالارداعى قازاق تىلىنە ءتان ارىپتەردى لاتىن گرافيكاسىمەن جازۋ ءۇشىن پەرنەتاقتادا  قالاي تەرۋ ءتاسىلى تۋرالى مالىمدەدى.

 شارا  بارىسىندا كورەرمەندەر «لاتىن ءالىپبيى كابينەتىندە» قويىلعان 1929-1940 جىلدار ارالىعىندا جارىق كورگەن لاتىن گرافيكاسى نەگىزىندەگى قازاقستاندىق كىتاپتار مەن مەرزىمدى باسىلىمداردىڭ كورمەسىنە كۋا بوپ، لاتىن گرافيكاسىنىڭ جاڭا نۇسقاسى بويىنشا ءوز اتى-جوندەرىن جازىستى.