15 شىلدەدە ءاچ-2018 فينالدىق كەزدەسۋى ماسكەۋدىڭ "لۋجنيكي" ستاديونىندا فرانسيا مەن حورۆاتيا قۇرامالارى اراسىندا ءوتتى، دەپ حابارلايدى Vesti.kz.

ويىننىڭ 18 مينۋتىندا حورۆاتيا قۇراماسىنىڭ شابۋىلشىسى ماريو ماندجۋكيچ ءوز قاقپاسىن اۆتوگول سالدى. الايدا ونىڭ ارىپتەسى يۆان پەريشيچ 28ء-شى مينۋتتا ەسەپتى تەڭەستىردى. فرانسۋز سۇرمەرگەنى انتۋان گريزمانن 38ء-شى مينۋتتا ەسەپتى ەسەلەدى. پول پوگبا 59-شى مينۋتتا ەسەپتى 3:1-گە جەتكىزسە، التى مينۋتتان سوڭ كيلليان مباپپە الىستان حورۆاتتار قاقپاسىنان ساڭىلاۋ تابا ءبىلدى. ماريو ماندجۋكيچ ويىننىڭ 69-شى مينۋتىندا ەسەپتى ءبىر ۇپايعا قىسقارتتى.

ەسكە سالايىق، 14 شىلدەدە فۋتبولدان الەم چەمپيوناتىنىڭ قولا جۇلدەسى ءۇشىن تالاستا بەلگيا قۇراماسى ۇلىبريتانيالىقتاردان باسىم ءتۇستى. رەسەيدىڭ سانكت-پەتەربۋرگ قالاسىنداعى "كرەستوۆسكيي" ستاديونىندا وتكەن كەزدەسۋ 2:0 ەسەبىمەن بەلگيالىقتاردىڭ پايداسىنا شەشىلدى. ويىندى تاماشالۋعا 64 406 جانكۇيەر جينالعان. 

ويىننىڭ ءتورتىنشى مينۋتىندا بەلگيالىقتاردىڭ جارتىلاي قورعاۋشىسى توماس مەنە ناسەر ءشادليدىڭ پاسىن ناتيجەلى ەتىپ، ەسەپ اشتى. 82ء-شى مينۋتتا بەلگيالىقتاردىڭ كاپيتانى ەدەن ازار ەسەپتى ەسەلەدى. ناتيجەلى پاستىڭ اۆتورى دە بروينە.

بەلگيا قۇراماسى وسى الەم بىرىنشىلىگىندە 16 گول سالىپ، ەڭ كوپ گول سالعان كوماندا اتاندى. سونداي-اق وسى قۇراما تۇڭعىش رەت الەم بىرىنشىلىگىنىڭ قولا مەدالىن جەڭىپ وتىر.