21 شىلدە كۇنى وبلىس اكىمى بەردىبەك ساپاربايەۆ ءابىلقايىر حان داڭعىلى بويىنداعى جاياۋ جۇرگىنشىلەر قۇرىلىسىنىڭ جوباسىمەن تانىستى، دەپ جازادى Qamshy.kz اقپارات اگەنتتىگى.

       اتاپ وتەيىك، ايماق باسشىسىنىڭ تاپسىرماسى بويىنشا «قالا ادامدار ءۇشىن» تۇجىرىمداماسىن ازىرلەۋ ءۇشىن جۇمىس توبى قۇرىلدى، ونىڭ باعىتتارىنىڭ ءبىرى «قورشاۋى جوق قالا». جوبانىڭ ءبىرىنشى كەزەڭىندە جاياۋ جۇرگىنشىلەر ايماعىن ءا.مولداعۇلوۆا داڭعىلىنان ءابىلقايىر حان داڭعىلى بويىمەن وبلىس اكىمدىگىنەن ءارى قاراي اباي بۋلۆارىنا جالعاستىرۋ جوسپارلانىپ وتىر.

اتاپ ايتقاندا، جوبادا كوشەنى جوندەۋ جانە اباتتاندىرۋ، ورىندىقتار ورناتۋ، جاسىل كەڭىستىك، اۆتورلىق شاعىن ساۋلەت نىساندارى، قۇرعاق فونتاندار، جارىق شامدار ورناتۋ، ويىن جانە سپورت الاڭدارىن سالۋدى قامتيدى.

- بولاشاقتا جاقسى جابدىقتالعان جاياۋ جۇرگىنشىلەر ايماعى قالا تۇرعىندارى مەن قوناقتارىنا دەمالۋ ءۇشىن ىڭعايلى ورىن بولادى، - دەدى بەردىبەك ساپاربايەۆ.

سونداي-اق قالا اكىمى ءىلياس يسپانوۆ جوبانىڭ الەۋمەتتىك ماڭىزدىلىعى تۋرالى جوسپارلانعان جۇرگىنشىلەر ايماعىنىڭ اۋماعىنداعى عيماراتتار يەلەرىمەن ناسيحاتتاۋ جۇمىستارى جۇرگىزىلگەندىگى تۋرالى باياندادى. 

اتاپ ءوتۋ كەرەك، جوبا استانا جانە الماتى قالالارىنىڭ  تاجىريبەسىن ەسكەرە وتىرىپ، وسىنداي جاياۋ جۇرگىنشىلەر ايماقتارىن قۇرۋ ازاماتتاردىڭ وڭ قولداۋلارىنىڭ ناتيجەسىندە جۇزەگە اسىرىلاتىن بولادى.