«ەل فريمان» كوركەم ءفيلمى ۇستىمىزدەگى جىلى شىلدە ايىنىڭ 21ء-ى مەن 28ء-ى ارالىعىندا مادريد قالاسىندا ءوتىپ جاتقان حالىقارالىق كينوفەستيۆالگە قاتىسادى، دەپ حابارلايدى Qamshy.kz
مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق جارىققا شىعارعان كينوتۋىندى «ۇزدىك وپەراتور» جانە «ۇزدىك رەجيسسەر-دەبيۋتانت» نوميناسيالارىندا ب ا ق سىنايدى.
رەجيسسەر-دەبيۋتانت ەلجاس راقىمبەكوۆ (شىعارماشىلىق لاقاپ اتى ميحار ساجلە) پەن انتونيو چاۆەس تۇسىرگەن كارتينا لوس-اندجەلەستە امەريكاندىق ۇكىمەتتەن جاسىرىنىپ جۇرگەن يمميگرانتتىڭ ءومىرى تۋرالى باياندايدى.
- فەستيۆالدەن تەك جاقسى جاڭالىق كۇتەمىز. «ۇزدىك رەجيسسەر-دەبيۋتانت» جۇلدەسىنە ۇمىتكەرلەر قاتارىنا ەنگەنىمىزگە قۋانىشتىمىن. ارينە، جۇلدەلى ورىننان كورىنەتىنىمىزگە سەنىمدىمىن. ءفيلمنىڭ وپەراتورى ەريك كوناش «ۇزدىك وپەراتور» جۇلدەسىنە لايىق دەپ ويلايمىن، - دەدى ءفيلمنىڭ سو-رەجيسسەرى ەلجاس راقىمبەكوۆ.
مادريد قالاسىندا جىل سايىن وتكىزىلەتىن حالىقارالىق كينوفەستيۆالدە ءتۇرلى ەلدەن كەلگەن كينويندۋستريانىڭ وكىلدەرى، اتاپ ايتساق، جاس كينوگەرلەر مەن كاسىبي رەجيسسەرلەر، ديستريبيۋتورلار مەن باسقا دا ماماندار باس قوسادى. كينەماتوگرافيانىڭ بارلىق بەلگىلى جانرلارىنا ەسىگى اشىق بۇل فەستيۆالدە جاس بۋىن رەجيسسەرلەرگە، زاماناۋي تەندەنسيالار مەن كينو سالاسىنىڭ دامۋىنا ىقپال جاسايتىن ترەندتەرگە اسا كوڭىل بولىنەدى.
ش.ايمانوۆ اتىنداعى «قازاقفيلم» اق جانە Libertus Films تۇسىرگەن 77 مينۋتتىق، دراما، كريمينال جانرىنداعى فيلمدە ەل – لوس-اندجەلەستە امەريكاندىق بيلىكتەن جاسىرىنىپ جۇرگەن يمميگرانت. ول ءوز كولىگىندە تۇنەپ ءجۇرىپ، جۇك تاسۋشى بولىپ جۇمىس ىستەيدى. ەل دوسى ارتۋرمەن بىرگە كىلتتەردىڭ كوشىرمەسىن جاساپ، كومپانيانىڭ بۇرىنعى كليەنتتەرىن توناپ، كۇنىن كورەدى. ءبىر كۇنى ولار باي، ءبىراق جالعىزباستى امباسسادور ەسىمدى قاريامەن تانىسادى...
فيلم رەجيسسەرى ەلجاس راقىمبەكوۆ - اكتور، سەناريست، رەجيسسەر. «ليبەرتۋس» كينولابوراتورياسىنىڭ نەگىزىن قالاۋشى (2014، نيەۆادا، اقش). حالىقارالىق «ەۋرازيا-2015» كينوفەستيۆالى «Work-in-progress» نوميناسياسىنىڭ جەڭىمپازى («ەل فريمان» كوركەم ءفيلمى، الماتى، قازاقستان)؛ تاللين-2015 حالىقارالىق كينوفەستيۆالىنە قاتىسقان؛ قازاقستان كينوسىنشىلارى قاۋىمداستىعى شەشىمىمەن «ەكىنشى پلانداعى ۇزدىك ەر ادام ءرولى» نوميناسياسىنا ۇمىتكەر بولعان («ارمان»، 2017، رەج. راشيد سۇلەيمەنوۆ).
انتونيو چاۆەس مەكسيكانىڭ «MVS Exa تۆ» تەلەارناسى ءۇشىن كوڭىل كوتەرۋ باعدارلامالاردى جارىققا شىعاراتىن ءىرى كومپانيالارىنىڭ بىرىندە رەجيسسەر جانە پروديۋسەر بولىپ قىزمەت اتقاردى. سونداي-اق ماركەتينگ جانە جارناما سالالارىندا جۇمىس ىستەگەن. 2009 جىلى ول «Carta Entretenimiento» كومپانياسىن قۇردى.
