WBC، WBA (Super) جانە IBO تۇجىرىمدارى بويىنشا ورتا سالماقتاعى الەم چەمپيونى گەنناديي گولوۆكين (38-0-1، 34 كو) ESPN Deportes باسىلىمىنا بەرگەن سۇحباتىندا مەكسيكالىق ساۋل "كانەلو" الۆارەسپەن (49-1-2، 34 كو) الدا وتەتىن ريەۆانشتىڭ قالاي اياقتالاتىنىن بولجادى، - دەپ حابارلايدى Qamshy.kz اقپارات اگەنتتىگى Vesti.kz  سايتىنىڭ اقپاراتىن نەگىزگە الىپ.

ايتا كەتەيىك، بوكسشىلاردىڭ الداعى جەكپە-جەگى 15 قىركۇيەكتە لاس-ۆەگاستاعى T-Mobile ارەناسىندا وتەدى.

"مەن ءبىرىنشى جەكپە-جەكتە جەڭىسكە جەتتىم. مەن ونى تەك ستاتيستيكاعا قاراپ ايتىپ وتىرعان جوقپىن. مەن ادامداردىڭ سول كەزدەسۋدى ءوز كوزىمەن كورگەنى ءۇشىن ايتىپ وتىرمىن. بەلبەۋلەرىمدى ساقتاپ، ۇيگە ورالدىم. ءالى دە الەم چەمپيونى بولىپ سانالامىن. سۋديالار ءادىل بولسا ەكىنشى كەزدەسۋ مەن ءۇشىن عانا ەمەس، بۇكىل بوكس ءۇشىن ماڭىزدى بولماق. مەنىڭشە، اۋىر جەكپە-جەك وتەدى. سەبەبى ءبىز ەكەۋمىز وڭاي قارسىلاس ەمەسپىز. ەكىنشى كەزدەسۋ بارلىق ديستانسيادان وتپەيتىن سياقتى"، - دەدى گولوۆكين سۇحباتىندا.

"ءبىزدىڭ سپاررينگتەر ول بولەك نارسە. ول كەزدە "كانەلو" جاس، جىلى شىرايلى، شىنايى بولدى. بىر-بىرىمىزگە كومەكتەستىك. ءبىراق سوڭعى ۋاقىتتا جاعداي وزگەردى. مەنىڭشە، ول مۇنى ءتۇسىنىپ تە جۇرگەن جوق"، - دەدى قازاقستاندىق بوكسشى.

سونداي-اق، سۇحبات العان جۋرناليست الەۋمەتتىك جەلىدەگە پاراقشاسىندا گولوۆكيننىڭ Big Bear-دا مەكسيكالىقپەن وتەتىن ريەۆانشقا دايىندالىپ جاتقانى تۇسىرىلگەن سۋرەتتى جاريالادى.