اعىمداعى جىلدىڭ 6 ايىنىڭ قورىتىندىسى بويىنشا 3،5 ملن ادامعا ەلەكتروندىق قولتاڭبا بەرىلگەن. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراسيانىڭ باسپا ءسوز قىزمەتى حابارلادى.

2018 جىلدىڭ ءبىرىنشى توقسانىندا اتالعان كورپوراسيانىڭ كەڭسەلەرى ارقىلى 17،8 ملن مەملەكەتتىك قىزمەت كورسەتىلگەن. ونىڭ 52،3 پايىزى ەلەكتروندىق فورماتتا جۇزەگە اسقان.

«اعىمداعى جىلدىڭ ءبىرىنشى جارتى جىلدىعىندا مەملەكەتتىك كورپوراسيانىڭ 313 فرونت-وفيستەرى ارقىلى 17،8 ملن مەملەكەتتىك قىزمەتتەر كورسەتىلدى، ونىڭ ىشىندە 52،3% - ەلەكتروندىق تۇردە. سونىمەن بىرگە، 2017 جىلعى الەۋمەتتىك ساۋالنامانىڭ ناتيجەسى بويىنشا حالىقتىڭ مەملەكەتتىك قىزمەتتەردىڭ ساپاسىنا قاناعاتتانۋ دەڭگەيى بەلگىلەنگەنى 85،2% بولا تۇرا، 85،4% قۇرادى»، - دەلىنگەن حابارلامادا.

باسىلىم مالىمەتىنشە، حالىققا قىزمەت كورسەتۋ ورتالىقتارى ارقىلى 17 042 293 قىزمەت كورسەتىلگەن. ونىڭ ىشىندە «Connection Point» وزىنە-وزى قىزمەت كورسەتۋ سەكتورلارى ارقىلى 6 079 590 قىزمەت ۇسىنىلعان. ءموبيلدى حقكو-لار ارقىلى 191 470 قىزمەت كورسەتكەن. ال، مامانداندىرىلعان حقكو-نىڭ كومەگىمەن 1 202 404 قىزمەت، ونىڭ ىشىندە كولىكتى تىركەۋ بويىنشا 928 237 قىزمەت ۇسىنىلعان. سونداي-اق،  جۇرگىزۋشى كۋالىكتەرى 274 167 ادامعا بەرىلسە، حقكو سەكتورلارى ارقىلى 572 860 قىزمەت كورسەتىلدى. بۇعان قوسا، 3،5 ملن تۇرعىنعا ەلەكتروندىق سيفرلىق قولتاڭبا بەرىلگەن.

ايتا كەتەيىك، 2018 جىلدىڭ 27 شىلدەسىندە «ازاماتتارعا ارنالعان ۇكىمەت» مەملەكەتتىك كورپوراسياسىنىڭ وتىرىسى وتكەن بولاتىن. وندا تالقىلانعان ماسەلەلەر اراسىندا مەملەكەتتىك ساتىپ الۋ، اكىمشىلىك-شارۋاشىلىق جانە قارجى-ەكونوميكالىق قىزمەتى سياقتى مەملەكەتتىك كورپوراسيا جۇمىسىنىڭ اعىمداعى سۇراقتارىنان باسقا، الەۋمەتتىك قامسىزداندىرۋ، مەملەكەتتىك قىزمەت كورسەتۋ ساپاسى، جىلجىمايتىن مۇلىكتى تىركەۋ جانە جەر كاداسترىن جۇرگىزۋ سياقتى تاقىرىپتار. سونىمەن قاتار، ايماقتارداعى مەملەكەتتىك كورپوراسيا فيليالدارىنىڭ قىزمەتىندەگى ىشكى قاۋىپسىزدىك بويىنشا قىزمەتىنىڭ پروبلەمالىق ماسەلەلەرى بولەك بولىمدە قارالىپتى.

وتىرىستا 2018 جىلدىڭ 1ء-شى جارتى جىلدىعىنىڭ جۇمىس قورىتىندىسى ايتىلىپ، 2018 جىلدىڭ 2ء-شى جارتى جىلدىعىنا ارنالعان ماقسات-مىندەتتەر قويىلدى. اتالعان جينالىسقا مەملەكەتتىك كورپوراسيا باسشىسى ابىلايحان وسپانوۆ، ورتالىق اپپاراتتىڭ قۇرىلىمدىق بولىمشەلەرىنىڭ باسشىلارى مەن ايماقتىق فيليالداردىڭ ديرەكتورلارى قاتىسقان.   

«ازاماتتارعا ارنالعان ۇكىمەت» مەملەكەتتىك كورپوراسياسى حالىققا قىزمەت كورسەتەتىن بارلىق ورتالىقتاردى ءبىر جۇيەگە ينتەگراسيالايدى. ول 2016 جىلدىڭ 7ء-شى ساۋىرىندە قۇرىلعان بولاتىن. ونىڭ قۇرامىنا جەر كاداسترى جانە جىلجىمايتىن مۇلىكتى تەحنيكالىق تەكسەرۋ ديرەكسياسى، مەملەكەتتىك قىزمەت كورسەتۋ ديرەكسياسى، سونداي-اق «الەۋمەتتىك تولەمدەردى ۆەدومستۆوارالىق ەسەپتەۋ ورتالىعى» ديرەكسياسى كىرەدى.