استانادا سالىنىپ جاتقان كوتتەدجدىڭ ەكىنشى قاباتىنىڭ ەدەنى بىرنەشە ادامنىڭ ۇستىنە قۇلادى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنىڭ دەرەگىن نەگىزگە الىپ.
"1 تامىزدا ساعات 19.55-تە بالقانتاۋ 171 كوشەسىندە سالىنىپ جاتقان ەكى قاباتتى كوتتەدجدىڭ انىقتالماعان جاعدايدا ءبىرىنشى جانە ەكىنشى قابات ارالىعىنداعى ەدەن قۇلادى. سالدارىنان 1970 جانە 1983 جىلعى جۇمىسشىلار ءۇيىندى استىندا قالدى. ولار اۋرۋحاناعا جەتكىزىلدى. ءقازىر ءولىم اۋزىندا تۇرعان تاعى ءبىر جۇمىسشىنى ۇيىندىدەن شىعارۋ جۇمىسى ءجۇرىپ جاتىر"، - دەپ حابارلادى تجك باسپا ءسوز قىزمەتىندەگىلەر.
توتەنشە جاعدايلار جونىندەگى كوميتەتتىڭ ورتالىق ايماقتىق اەروموبيلدى جەدەل-قۇتقارۋ قىزمەتىنىڭ قۇتقارۋشىلارى جۇمىس ىستەپ جاتىر دەپ حابارلاندى. سونداي-اق، وندا توتەنشە جاعدايلار جونىندەگى كوميتەت جانىنداعى اپات مەديسينا ورتالىعىنىڭ دارىگەرلەرى بار. كەيىن قۇتقارۋشىلار ءۇشىنشى جۇمىسشىنى ءۇيىندى استىنان شىعارىپ العانىن حابارلادى. ول ءتىرى جانە اۋرۋحاناعا جەتكىزىلدى.
