قازاق ەگىنشىلىك جانە وسىمدىك شارۋاشىلىعى ينستيتۋتىنىڭ بازاسىندا اۋىل شارۋاشىلىعى سالاسىنا يننوۆاسيالاردى ەنگىزۋ ماسەلەسى بويىنشا كەڭەس ءوتتى.

كەڭەستە پرەمەر-مينيستردىڭ ورىنباسارى – ق ر اۋىل شارۋاشىلىعى ءمينيسترى ءو.ە. شوكەيەۆ الماتى، جامبىل، قىزىلوردا جانە تۇركىستان وبلىستارىنىڭ اۋىل شارۋاشىلىعى باسقارمالارى مەن اكىمدىك باسشىلارى، بەيىندى عىلىمي-زەرتتەۋ ۇيىمدارى جانە جوو جەتەكشىلەرى، سونداي-اق الدىڭعى قاتارلى فەرمەرلىك شارۋاشىلىق پەن عىلىمي قوعامداستىق وكىلدەرى قاتىستى.

كەزدەسۋدىڭ نەگىزگى ماقساتى اگرارلىق ونەركاسىپ كەشەنىن سيفرلاندىرۋ ماسەلەسى مەن وزەكتى كۇن ءتارتىبىن بەلگىلەۋ ءۇشىن الدىڭعى قاتارلى اگروتەحنولوگيالاردى ەنگىزۋگە، بىرلەسكەن شەشىمدەر نۇسقاسىن ازىرلەۋ سەكىلدى ماسەلەلەرگە قىزىعۋشىلىق تانىتۋشى تاراپتاردىڭ بارلىعىن ءبىر الاڭعا جيناۋ بولدى. مەملەكەت باسشىسىنىڭ جىل سايىنعى جولداۋىنداعى العا قويعان ستراتەگيالىق مىندەتتەرىن جۇزەگە اسىرۋعا باعىتتالعان شەشىمدەردىڭ ىشىندە ەڭ ءبىرىنشى كەزەكتە اوك-دا ەڭبەكتىڭ ونىمدىلىگى مەن قايتا وڭدەلگەن اۋىل شارۋاشىلىعى ونىمدەرىن كەم دەگەندە 2،5 ەسەگە ارتتىرۋ ماقساتى تۇر.

كەزدەسۋ بارىسىندا قاتىسۋشىلار اۋىل شارۋاشىلىعىنا يننوۆاسيا ەنگىزۋدىڭ كەلەشەگى مەن قازىرگى ناتيجەلەرىن تالقىلادى. مەملەكەت اۋىل شارۋاشىلىعىنداعى ءتيىمدى شەشىمدەر – ترانسفەرت، بەيىمدەۋ جانە اپروباسيا بويىنشا شىعىنداردى ءوز موينىنا الۋ سەكىلدى اۋىل شارۋاشىلىعى مينيسترلىگىمەن جۇزەگە اسىرىلعان جوبالار بيزنەس ءۇشىن قوسىمشا شىعىندارسىز الەمدىك ۇزدىك جەتىستىكتەردى قولدانۋعا مۇمكىندىك بەرىپ وتىرعانى ايتىلدى. سونىڭ ىشىندە سيفرلىق تەحنولوگيالار مەن ناقتى ەگىنشىلىك ماسەلەلەرىن دە ايتا كەتكەن ءجون.

قازاقستاندا اگرارلىق عىلىم «عىلىم – ءبىلىم بەرۋ – ءوندىرىس» قاعيداسى بويىنشا تىعىز ءوزارا ارەكەتتەسۋ مەن بىرىگۋگە باعىتتالعان. تيىمدىلىكتىڭ ناقتىلانعان كورسەتكىشتەرى مەن قولعا الىنعان تەحنولوگيالارمەن جابدىقتاۋ وتاندىق بيزنەس ءۇشىن ەكونوميكالىق شىعىنداردى ايتارلىقتاي قىسقارتىپ، ونىمدىلىگىن ارتتىرۋعا مۇمكىندىك بەرەدى.

جيىننان سوڭ قاتىسۋشىلار قازاق ەگىنشىلىك جانە وسىمدىك شارۋاشىلىعى ينستيتۋتىنىڭ ەگىستىگىندە ەنگىزىلگەن جاڭا تەحنولوگيالار ناتيجەسىمەن تانىسىپ شىقتى.