نۇرسۇلتان نازاربايەۆ رەسەي فەدەراسياسىنىڭ پرەزيدەنتى ۆلاديمير پۋتينگە كوڭىل ايتۋ جەدەلحاتىن جولدادى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى كراسنويار ولكەسىندە مي-8 جولاۋشىلار تىكۇشاعىنىڭ اپاتقا ۇشىراۋى سالدارىنان كوپتەگەن ادامنىڭ قازا تاپقانى تۋرالى حاباردى زور كۇيزەلىسپەن قابىلدادى.
«قازاقستان حالقىنىڭ جانە جەكە ءوزىمنىڭ اتىمنان ورنى تولماس قايعىعا ورتاقتاسىپ، كوڭىل ايتامىن جانە قازا تاپقانداردىڭ تۋىستارى مەن جاقىندارىنا قولداۋ بىلدىرەتىنىمىزدى جەتكىزۋدى سۇرايمىن»، – دەلىنگەن جەدەلحاتتا.
ەسكە سالا كەتسەك، بۇگىن رەسەي فەدەراسياسى كراسنويار ايماعىنداعى ۆانكورسك اۋدانىندا مي-8 تىكۇشاعى قۇلاپ، 18 ادام قايتىس بولدى.
