جەزقازعان ايماعى «سارىارقا» گازەتىنىڭ 45 جىلدىعىنا وراي مەرەيتويدى جوعارى دەڭگەيدە اتاپ ءوتتى، دەپ حابارلايدى Qamshy.kz اقپارات اگەنتتىگى. ۇيىمداستىرىلعان سالتاناتتى شارادا ارقا جۋرناليستيكاسىنىڭ ارداگەرلەرى مەن اعا قالامگەرلەر «سارىارقا» («جەزقازعان تۋى») گازەتىنە 45 جىل» مەرەيتويلىق مەدالىمەن ماراپاتتالدى. مەرەيتوي قارساڭىندا جەزقازعان ايماقتىق «سارىارقا» گازەتى جاڭا عيماراتقا يە بولدى. 6 تامىزدا گازەتتىڭ جاڭا كەڭسەسىنىڭ سالتاناتتى اشىلۋى وتكەن ەدى. ارداگەر قالامگەرلەر مەن گازەت قىزمەتكەرلەرىن جاڭا عيماراتتىڭ اشىلۋىمەن قالا اكىمى قايرات بەگىموۆ، ارداگەر جۋرناليست قاسىم ورىنبەتوۆ، حالىقارالىق «الاش» سىيلىعىنىڭ يەگەرى، اقىن، «جۇلدىز» جۋرنالىنىڭ باس رەداكتورى عالىم جايلىباي قۇتتىقتادى. الماتىعا بۇرىنعى جەزقازعان وبلىستىق «جەزقازعان تۋى» گازەتىنەن اتتانعان اقىن عالىم جايلىباي گازەت مەرەيتويىنا جىردان شاشۋ شاشتى.

ال، مەرەيتويدا رەسپۋبليكاعا تانىمال مەسەنات، «التىن جۇرەك» ۇلتتىق سىيلىعىنىڭ يەگەرى بەكزات التىنبەكوۆتىڭ دەمەۋشىلىگىمەن ۇيىمداستىرىلعان سالتاناتتى داستارحان باسىندا ءوڭىر جۋرناليستەرىنە لايىقتى قۇرمەت كورسەتىلدى.

قالا اكىمىنىڭ ورىنباسارى زينا اقىلبەكوۆا ارداگەر جۋرناليستەر مەن گازەتتىڭ بۇرىنعى قىزمەتكەرلەرىنىڭ كەۋدەسىنە «سارىارقا» («جەزقازعان تۋى») گازەتىنە 45 جىل» مەرەيتويلىق مەدالىن تاقتى. مەدالدىڭ ازىرلەنۋىنە جۋرناليست ابدوللا داستانوۆ جەتەكشىلىك ەتەتىن «شىندىق» قوعامدىق بىرلەستىگى دەمەۋشىلىك جاساعان.

سونداي-اق، كەش قوناقتارىنا گازەت مەرەيتويىنا وراي شىعارىلعان «اقپارات ايدىنىندا. «سارىارقا» («جەزقازعان تۋى») گازەتىنە 45 جىل» ەستەلىكتەر جيناعىنىڭ تابىستىلاۋى دا مەرەكەلىك جيىننىڭ مازمۇنىن بايىتتى.