قازاقستاندىق كاسىپقوي بوكسشى دانيار ەلەۋسىنوۆ (3-0، 1 كو) Instagram پاراقشاسىندا كەلەسى جەكپە-جەگى شامامەن قاي كۇنى وتەتىنىن ايتتى، دەپ حابارلايدى Qamshy.kz اقپارات اگەنتتىگى Sports.kz سايتىنىڭ دەرەگىن نەگىزگە الىپ.
«كەلەسى جەكپە-جەك قازان ايىنا جوسپارلانعان»، - دەپ جازدى بوكسشى.
ەسكە سالساق، جەرلەسىمىز 4 تامىز كۇنى كارديففتەگى (ۋەلس) Ice Arena Wales ارەناسىندا وتكەن بوكس كەشىندە ماجارستاندىق گابور گوربيچتى (24-12، 14 كو) جەڭگەن بولاتىن. الايدا دانيار جەكپە-جەك قورىتىندىسىنا كوڭىلى تولماي، كەزدەسۋدى مەرزىمىنەن بۇرىن اياقتاۋدى جوسپارلاعانىن ايتقان بولاتىن. كەيىن ەلەۋسىنوۆتىڭ BoxRec.com سايتىنداعى رەيتينگى شارىقتاپ، بىردەن 75 ساتى جوعارىلادى.
