الماتى وبلىسى قاراساي اۋدانىنداعى كامەلەت جاسقا تولماعان ءجاسوسپىرىم زورلاپ كەتكەن 6 جاسار قىزعا قاتىستى قاراساي اۋداندىق ءبىلىم ءبولىمى باسقارماسى تۇسىنىكتەمە بەردى، دەپ حابارلايدى Qamshy.kz اقپارات اگەنتتىگى.

ادۆوكات ايمان وماروۆا اۋداندىق ءبىلىم ءبولىمى باسقارماسىنىڭ ماماندارى، مەكتەپ ديرەكتورى جانە زورلىق جاساعان بالانىڭ تۋىستارى ءجابىر كورگەن ءبۇلدىرشىننىڭ اتا-اناسىنا قايتا-قايتا كەلىپ، جاسوسپىرىمگە كەشىرىم بەرۋىن تالاپ ەتكەنى جايىندا ايتقان بولاتىن. قاراساي اۋداندىق ءبىلىم ءبولىمى باسشىسىنىڭ مىندەتىن اتقارۋشى مامانى اسەت تولەن ۇلىنىڭ ايتۋىنشا، ولار زورلىق كورسەتكەن بالاعا كەشىرىم تالاپ ەتپەگەن.

«قىزدىڭ ۇيىنە بارعانىمىز راس. ءبىراق ءبىز قىزدىڭ اتا-اناسىنان بارىپ كەشىرىم سۇراعان جوقپىز، ونداي بولعان جوق. ءبىرىنشى رەت بارعان كەزىمىزدە ۇيىندە اكەسى بولمادى، سودان كەشكە قاراي ەكىنشى رەت باردىق. الايدا ءبىز وندا تەك قىزدىڭ جاعدايىن ءبىلۋ ءۇشىن عانا بارعان ەدىك. باسقا ەشتەڭە سۇراعان جوقپىز»، - دەيدى اسەت تولەن ۇلى.

ەستەرىڭىزگە سالا كەتەيىك، ءبىز سايتىمىزدا وتكەن اپتادا 15-16 جاس شاماسىنداعى كامەلەت جاسقا تولماعان بالا 6 جاسار قىزعا زورلىق كورسەتكەنى جايىندا جازعان بولاتىنبىز.