«بەس الەۋمەتتىك باستامانىڭ جۇزەگە اسۋ بارىسى» تۋرالى قازاقستان رەسپۋبليكاسى ەڭبەك جانە تۇرعىنداردى الەۋمەتتىك قورعاۋ ءمينيسترى مادينا ءابىلقاسىموۆا ۇكىمەت وتىرىسى بارىسىندا ايتىپ بەردى.

قۇرمەتتى باقىتجان ءابدىر ۇلى!

مەملەكەت باسشىسىنىڭ ءتورتىنشى الەۋمەتتىك باستاماسى جۇمىسسىز تۇرعىنداردى ەڭبەككە ارالاستىرۋ ماقساتىندا شاعىن نەسيە بەرۋ اۋقىمىن كەڭەيتۋ جايىندا بولعان.

ەلباسىنىڭ تاپسىرماسىنا سايكەس، ءتورتىنشى الەۋمەتتىك باستاما اياسىندا اعىمداعى جىلى شاعىن نەسيەلەۋدى قارجىلاندىرۋ 20 ملرد تەڭگەگە ارتتى. ونىڭ ىنىدە قالاعا بولىنگەنى 6 ملرد تەڭگە، ال اۋىلدى وڭىرلەرگە 14 ملرد تەڭگە. قوسىمشا قاراجاتتى ەسكەرسەك، شاعىن نەسيەلەۋ شاراسىنا جالپى سوماسى 62 ملرد تەڭگە ءبولىندى. ونىڭ 73 پايىزى، ياعني 45 ملرد تەڭگەسى اۋىل شارۋاشىلىعى ءۇشىن، ال 27 پايىزى، ياعني 45 ملرد تەڭگە قالا تۇرعىندارىنا ۇلەستىرىلەدى.

بيىلعى جىلى شاعىن نەسيە 14 مىڭ ادامعا بەرىلەدى دەپ جوسپارلانىپ وتىر.

شاعىن نەسيەلەۋ «جاپپاي كاسىپكەرلىك جانە ءونىمدى جۇمىسپەن قامتۋ 2017-2021» باعدارلاماسىنىڭ ەكىنشى باعىتى اياسىندا جۇزەگە اسىرىلادى.

ءتورتىنشى الەۋمەتتىك باستامانى ءتيىمدى جۇزەگە اسىرۋ ماقساتىندا باعدارلامالارعا اۋىلدار مەن قالالارعا شاعىن نەسيە بەرۋ ليميتتەرىن ديففەرەنسيالاۋ تۋرالى، ءارى اگروونەركاسىپتىك كەشەندى قايتا وڭدەۋ اياسىندا ىنتىماقتاستىقتى دامىتۋ جانە شاعىن نەسيە بەرۋ پروسەسىن جەڭىلدەتۋ تۋرالى وزگەرىستەر ەنگىزىلدى.

جالپى قالالىق وڭىرلەردە شاعىن نەسيەلەردى بەرۋ ۇلتتىق ەكونوميكا مينيسترلىگىنە جۇكتەلسە، اۋىلداردا اۋىل شارۋاشىلىعى مينيسترلىگىنە جۇكتەلدى.

جىل باستالعالى قازاقستاندىقتارعا 38،4 ملرد تەڭگە شاعىن نەسيە بەرىلدى. قالا تۇرعىندارى 10،5 ملرد تەڭگە السا، اۋىلدىق وڭىرلەردە 27،9 ملرد تەڭگە العان.

ايماقتار بويىنشا جەكە-جەكە ءبولىپ قاراستىراتىن بولساق، شاعىن نەسيەلەۋدەن الدا تۇرعاندار الماتى (87 پايى)، الماتى وبلىسى (72 پايىز)، باتىس قازاقستان وبلىسى (69 پايىز) جانە جامبىل وبلىسى (66 پايىز).

كەيىنگى تىزىمگە سايكەس، ماڭعىستاۋدا (28 پايىز)، اتىراۋدا (43 پايىز)، اقتوبەدە (49 پايىز) جانە استانا قالاسىندا (31 پايىز) ەڭ كوپ تولەمدەر بايقالادى.

جىل باسىنان بەرى جالپى سانى 8 893 شاعىن نەسيە بەرىلگەن، ونىڭ 7901ء-ى اۋىلدىق وڭىرلەردە، 992ء-سى قالا تۇرعىندارىنا بەرىلدى. اۋىلدارعا بەرىلگەن شاعىن نەسيەنىڭ ورتاشا مولشەرى 3،5 ميلليون بولسا، قالالاردا 10،6 ميلليون تەڭگە.

بەرىلگەن شاعىن نەسيەلەر قاتارىندا Start-up جوباسىن قولداۋعا 6 087 شاعىن نەسيە. ال ياكورلى كووپەراسيانى دامىتۋ ءۇشىن 527 شاعىن نەسيە بولىنگەن. 2 279 شاعىن نەسيە جەكە ءىستى دامىتۋ باعىتىنا ارنالعان.

مەملەكەت باسشىسى اتاپ وتكەندەي، شاعىن نەسيەلەۋ ەلىمىزدىڭ جۇمىسسىز تۇرعىندارى مەن ءوزىن-وزى دامىتقىسى كەلەتىندەر ءۇشىن.

ءتورتىنشى الەۋمەتتىك باستاما اياسىندا ءوزىن-وزى جۇمىسپەن قامتۋشىلاردىڭ سانى 7 914 بولسا، جۇمىسسىزداردىڭ 979-ى شاعىن نەسيە العان. ءارى ءىس باستاپ، ونى دامىتىپ وتىر.

ونىڭ ۇستىنە، جاڭا جۇمىس ورىندارىن قۇرۋ تۋرالى ماڭىزدى جوسپار تاعى بار. شاعىن نەسيە الۋشىلار ءۇشىن قوسىمشا 8 256 جۇمىس ورنى قۇرىلدى.

ەكونوميكا سالاسى بويىنشا اۋىل شارۋاشىلىعى، ورمان جانە بالىق شارۋاشىلىعىن دامىتۋ ماقساتىندا 7 203  (81 پايىز) شاعىن نەسيە، كولىك سالاسىنا – 533 (6 پايىز)، تۇرۋ جانە تاماقتانۋ قىزمەتتەرىنە 285 (3،2 پايىز)، وڭدەۋشى ونەركاسىپ سالاسى – 178 (2 پايىز)، كوتەرمە جانە بولشەك ساۋدا – 89 (1 پايىز)، وزگە دە قىزمەت تۇرلەرى  - 570 (6،4 پايىز)، قۇرىلىس سالاسىنا 35 (0،4 پايىز) شاعىن نەسيە بەرىلدى.

باعدارلاما اياسىندا ەلىمىزدە ەڭ ماڭىزدى ءارى اۋقىمدى «باستاۋ-بيزنەس» جوباسى ىسكە قوسىلدى.

جىل باستالعالى 9 اي ىشىندە 24،1 مىڭ ادام ءبىلىم الدى، ولاردىڭ 13،4 مىڭى بيزنەس جوبالارىن قورعاپ ۇلگەردى. باعدارلاماعا قاتىسۋشى 4،1 مىڭ ادام شاعىن نەسيە الدى.

باعدارلامانى ىسكە اسىرۋ بارىسىندا مىناداي وزگەرىستەر ەنگىزىلدى:

بىرىنشىدەن، اۋىلدىق جەرلەردەگى ياكورلى كووپەراسيانى دامىتۋ ماقساتىندا شاعىن نەسيە مولشەرىن 5 مىڭ مرپ-دان 8 مىڭ مرپ-عا دەيىن كوتەرۋ؛

ەكىنشىدەن، شاعىن نەسيە الۋشىلار ءۇشىن جاڭا جۇمىس ورىندارىن قۇرۋ تالاپتارى جەڭىلدەتىلدى.

ۇشىنشىدەن، باعدارلاماعا قاتىسۋشىلار سانى جەكە كاسىپكەرلەرمەن تولىقتى.

تورتىنشىدەن، ياكورلى كووپەراسيالاردى سالىق ورگاندارىنا تىركەۋ مەرزىمى ءۇش جىلدان استام ۋاقىتتى قۇرادى.

البەتتە، مەملەكەتتىك شارالار تۇرعىندارىنىڭ تابىس كوزىنىڭ ارتۋىنا ءارى ءومىر ءسۇرۋ ساپاسىنىڭ جاقسارۋىنا اسەر ەتەدى.

نازار اۋدارعانىڭىزعا راقمەت.