ورالدىق جاس وتباسى «7-20-25» باعدارلاماسى ارقىلى جەكە پاتەردىڭ يەسى اتاندى. تالعات نيازعالييەۆ پەن اينۇر تاسمۇحانوۆانىڭ قۋانىشتارىندا شەك جوق. Qamshy.kz اقپارات اگەنتتىگىنىڭ تىلشىسىنە بەرگەن سۇحباتىندا جاس وتباسى ەرەكشە اسەرلەرىمەن ءبولىستى.
تالعات پەن اينۇر بۇعان دەيىن اتا-انالارىمەن بىرگە تۇرعان ەكەن. الايدا ەكى بالانى ءوسىرىپ وتىرعان وتباسى ءۇشىن ءبىر ءۇي تارلىق ەتتى. ءسويتىپ وتباسى جەكە پاتەرگە اقشا جيناۋدى باستاپ كەتەدى.
تالعات «قازاقتەلەكوم» اق-دا ينجەنەر بولىپ جۇمىس ىستەيدى، ال اينۇر ورالداعى №26 مەكتەپتە اعىلشىن تىلىنەن ساباق بەرەدى.
«كەز كەلگەن ادام «جەكە پاتەرىم بولسا» دەپ ارماندايدى. نۇرسۇلتان ءابىش ۇلى نازاربايەۆتىڭ 5 الەۋمەتتىك باستاماسى اياسىندا «7-20-25» باعدارلاماسى ىسكە قوسىلعان سوڭ ءبىز اقشا جيناي باستادىق. ماعان بۇل باعدارلامادان ۇناعانى – پاتەردى ءوزىمىز تاڭداي الامىز. ءبىز دە وزىمىزگە ىڭعايلى اۋداننان ىڭعايلى پاتەر تاڭدادىق. پاتەر سولتۇستىك-شىعىس اۋدانىندا ورنالاسقان. ءارى ماڭىندا بالاباقشا دا بار. اقشانى شىلدەگە دەيىن جينادىق. كەيىن بىرنەشە بانكتى ارالاپ شىقتىق. سوڭىندا «بانك سەنتركرەديت»-كە توقتادىق. ءتيىستى قۇجاتتاردى جيناعان سوڭ پاتەردى ەكى-اق كۇندە راسىمدەدى. پاتەردەگى جوندەۋ جۇمىستارى دا اياقتالۋعا شاق قالدى. العاشقى تولەم 20 پايىزدان اسپايدى، ال جىلدىق مولشەر – 7 پايىز. اي سايىن 60 مىڭ تولەيمىز»، - دەدى اينۇر تاسمۇحانوۆا تىلشىمىحگە ايتقانىندا.
وسىعان وراي Qamshy.kz اقپارات اگەنتتىگى بۇعان دەيىن پاتەرلى بولعان وتباسىلاردى ەسكە ءتۇسىرىپ ءوتۋدى ءجون كوردى.
شىلدەنىڭ اياعىندا وسينسيەۆتەر وتباسى «7-20-25» باعدارلاماسى ارقىلى پاتەر العان. 28 جاستاعى ءۆلاديميردىڭ نەكەدە بولعانىنا 5 جىل. ەرلى-زايىپتىنىڭ امەليا اتتى ءبىر جارىم جاستاعى قىزدارى بار. 24 شىلدەدە جاس وتباسى 72،5 شارشى مەترلى پاتەردىڭ يەسى اتاندى.
قامشىعا بەرگەن سۇحباتىندا ۆلاديمير ماقساتتارىنا قالاي جەتكەندەرىن ايتىپ بەردى.
«ءبىز جاڭا پاتەر الۋ ءۇشىن اقشا جينادىق، الايدا جاس وتباسى ءۇشىن اقشا جيناۋ دەگەن قيىننىڭ قيىنى ەكەنىن وزدەرىڭىز دە بىلەسىزدەر. اقشا جيناپ ءجۇرىپ قازاقستانداعى پاتەر الۋ مۇمكىندىگى جوعارى باعدارلامانىڭ ءبارىن باقىلاپ ءجۇردىم. الايدا ءتيىمدىسىن تابا الماي جۇردىك. الدىن الا تولەم مولشەرى تىم كوپ بولدى، ءتىپتى كەي بانكتەردە 30 ميلليون تەڭگەگە دەيىن جەتەتىن. ال «7-20-25» باعدارلاماسى ارقىلى 15 ميلليون تەڭگە تۇراتىن پاتەر ءۇشىن ارتىق تولەم 16 ميلليون بولدى. ءقازىر ايىنا 85 مىڭ تەڭگە تولەيمىز. پاتەردى جالعا الىپ، اي سايىن 100 مىڭ تەڭگە تولەگەننەن ءشورى ءوز ۇيىمىزگە اقشا بەرگەن الدەقايدا ءتيىمدى ەمەس پە؟»، - دەپ پىكىرىمەن بولىسكەن ەدى.
ايتا كەتەيىك، «7-20-25» باعدارلاماسى مەملەكەت باسشىسى نۇرسۇلتان نازاربايەۆتىڭ باستاماسىمەن جۇزەگە اسىرىلدى.
ايتا كەتەيىك، بانكتەر بيىل شىلدە ايىنان باستاپ «7-20-25» باعدارلاماسى بويىنشا يپوتەكالىق نەسيە بەرۋدى باستاپ كەتتى. ال جەڭىلدەتىلگەن يپوتەكانى كىمدەر الا الادى؟ بۇل ساۋالعا ق ر ۇلتتىق بانك ءتوراعاسى دانيار اقىشيەۆ جاۋاپ بەردى. ايتۋىنشا، يپوتەكالىق باعدارلاماعا تۇراقتى جۇمىس بار كەز كەلگەن ادام قاتىسا الادى. الايدا ول ازاماتتىڭ اتىندا باسپانا بولماۋى ءتيىس. جانە نەسيە تاريحى دا دۇرىس بولۋى كەرەك. بۇدان بۇرىن ەلباسى «7-20-25» باعدارلاماسىن جۇزەگە اسىرۋ ءۇشىن ۇلتتىق بانك پەن ۇكىمەت بىرلەسىپ جۇمىس ىستەۋ كەرەك ەكەنىن ايتقان.
«ۇلتتىق بانكتىڭ، ەكىنشى دەڭگەيلى بانكتەر مەن قور نارىعىنىڭ مۇمكىندىكتەرىن ىسكە قوسۋ كەرەك. ۇلتتىق بانك كەمىندە 1 تريلليون تەڭگە قارجىنى تارتاتىن ارنايى كومپانيا قۇرىپ، ونى بانكتەردىڭ جوعارىدا ايتىلعان شارتتارىنا جاۋاپ بەرەتىن جاڭا يپوتەكالىق نەسيەلەرىن ساتىپ الۋعا جۇمساۋى قاجەت. باعدارلامانى جۇزەگە اسىرۋ ناتيجەسىندە ميلليون قازاقستاندىق باسپانا الۋ مۇمكىندىگىنە يە بولادى»، – دەگەن ەدى نۇرسۇلتان نازاربايەۆ.
