بۇگىن ۇلت قايراتكەرى، مەملەكەتشىل، ۇلتجاندى  ازامات قازاقستاننىڭ رەسەيدەگى ەلشىسى يمانعالي تاسماعامبەتوۆتىڭ تۋعان كۇنى. 62  جاسقا تولعان قايراتكەر اعامىزدى  Qamshy.kz اقپاراتتىق پورتالى تۋعان كۇنىمەن قۇتتىقتاي وتىرىپ، ەل ءۇشىن ەڭبەك ەتىپ، قازاقتىڭ بولاشاعى ءۇشىن قارىمدى جۇمىس ىستەي بەرۋىنە تىلەستەستىگىن بىلدىرەدى.

تاسماعامبەتوۆتىڭ  ءتىل، قوعام، استانا تۋرالى يگىلىكتى ويلارى

1.راسىندا دا ارعى-بەرگى زاماندا ادام­زاتتىڭ قولىنان شىققان قاي مەملەكەتتى الساق تا، وعان ءۇش تاعدىردىڭ ءبىرى عانا بۇيىرادى ەكەن.  ءبىرىنشىسى – ءتاڭىرى ەل بولاتىن جول دا، ەر بولاتىن ۇل دا بەرگەن، ءبىراق تىرلىگى از، تالكەگى كوپ، ءسوزى مول، بىرلىگى جوق ەل. مۇنداي ەلدىڭ بۇگىنى بۇلىڭعىر، كەلەشەگى كۇڭگىرت. ەكىنشىسى – جاراتقان تەرەڭ تاريح، تانىمدى حالىق بەرگەن، ءبىراق بيلىگى بەرەكەسىز، عۇمىرى مەرە­كە­ءسىز ەل. مۇنداي جۇرتتىڭ جولى اۋىر، جەتەر جاعاسى الىس. ال ءۇشىنشىسى – عۇمىرىن ۇلت تاع­دىرىمەن ەنشىلەگەن جۇرەكتى ەرى، استانالى ەلى بار، الىس-جاقىن جاقتاعان، تۇتاس­تىعىن ساقتاعان سالاماتتى مەملەكەت.  ءبىزدىڭ مەملەكەت، مىنە، وسىنداي مەملەكەت. ال اسقارالى استانا بولسا، ءدۇبىرلى ءداۋىردىڭ دارابوز پەرزەنتىندەي ۋاقىتپەن بىرگە تۋىپ، زامانىنان وزعان، سول ءۇشىن دە وسىنداي كۇشتى دە قۇدىرەتتى مەملەكەتتىڭ ەلورداسى بولۋ ءۇشىن جارالعان جاسامپاز قالا بولىپ ماڭگىلىككە قالماق.

2.»سول جولعى پلەنارلىق وتىرىستان ازداپ شارشاعان بولار، نۇرسۇلتان ءابiش ۇلى جەكسەنبi كۇنi سەيiل قۇرۋعا تاۋ جاققا باردى. قاسىندا مەن دە بارمىن. پارلامەنت استانانى اۋىستىرۋ ءجونiندەگi شەشiمدi قولداعانىمەن، ءبارi دە ءوز ورنىندا تۇرعان شاق. جازدىڭ جايناعان كۇنi. سونىڭ الدىندا عانا جاڭبىر جاۋىپ وتكەن، اۋا تاپ-تازا. بiر قىرقاعا كوتەرiلiپ ەدiك، الدىمىزدان اينالايىن ارۋ الماتى الاقانداعىداي ايقارا اشىلىپ شىعا كەلدi. عاجاپ كورiنiسكە ءسۇيسiنە قاراپ تۇردى دا، نۇرسۇلتان ءابiش ۇلى:  – قانداي كەرەمەت! – دەدi. سول ارادا مەن:  – ەندى، وسىنداي كەرەمەتتi قالدى­رىپ... – دەپ قالدىم. ايتىلار ءسوز ايتىلىپ كەتتi.  – سەن وندايدى قوي، – دەدi نۇرسۇلتان ءابiش ۇلى قاباعىن قاتايتىڭقىراپ. ءسويتتi دە: – بiز مىنانداي تەرريتورياعا ەلدiڭ بiر شەتiنەن قاراپ وتىرىپ، يە بولا الماي قالۋىمىز مۇمكiن. ارقادا، ءسولتۇستiك وبلىستاردا دەموگرافيالىق احۋالدى قالاي دا وزگەرتۋiمiز كەرەك. مىنا ەلدiڭ نەگiزگi يەسi كiم ەكەنiن بۇكiل الەم بiلۋگە تيiس. ەكونوميكانى دا مەملەكەتتىڭ قاق ورتاسىنان باسقارعان تيiمدi. اقمولا توعىز جولدىڭ تورابىندا تۇر، وبلىستاردىڭ استانامەن بايلانىسى دا وڭايلايدى. تىم بولماسا سونى ءتۇسiنسەڭدەرشi! – دەپ ساناعا قادالعان قازىقتاي قىپ كەسىپ تاستادى.  بۇل اڭگىمە مەنىڭ استانا اۋىستىرۋ يدەياسىنا باسقا تۇرعىدان قاراپ، وي قالىپتاستىرۋىما تىكەلەي اسەر ەتتى. كەيىن مەملەكەت باسشىسىنىڭ سەنىپ تاپسىرعان قاي قىزمەتىندە بولسام دا، بۇل ماسەلەنى جان-جاقتى زەردەلەۋدى ءبىر ساتكە دە توقتاتقان جوقپىن. ويتكەنى، ونىڭ ارتىندا بۇرىن ويعا كەلمەسە دە، ەل دامۋىنىڭ ءاربىر جىلىمەن «كەرەكتىگىن» كەرنەگەن قانشاما ءمان-ماعىنا، قانشاما ماڭىز جاتىر».
3. ويلاپ قاراڭىزشى، ەلدىڭ ەلدەن نەسى ارتىق... بەكەم بىرلىگى مەن بوستان تىرلىگى ارتىق. ال بەرەكە-بىرلىك – ەل بيلەپ، جول كورسەتەر تۇلعادان، تاۋەلسىز تىرلىك شەشىم شىعاتىن استانادان باستاۋ الادى.
4.  … مەملەكەتتىك ءتىلدىڭ قولدانۋ اياسىن ودان ءارى كەڭەيتۋدىڭ بىردەن-بىر ءتيىمدى جولى – مەملەكەتتىك ءتىلدى ءبىلۋدى مىندەتتى تۇردە تالاپ ەتەتىن قىزمەتتەر مەن لاۋازىمداردىڭ ءتىزىمىن قالىپتاستىرۋ. بىرىنشىدەن، كونستيتۋسيا بويىنشا پرەزيدەنتتىك سايلاۋعا تۇسەتىن ءاربىر ۇمىتكەر مەملەكەتتىك تىلدەن ەمتيحان تاپسىرادى. ەندەشە رەسپۋبليكاداعى قاي قىزمەتكەردىڭ دە مارتەبەسى ەلباسىنىكىنەن جوعارى ەمەس. . …كوپ مەكەمەلەردە، اسىرەسە، الەۋمەتتىك قىزمەت كورسەتۋ ورىندارىندا مەملەكەتتىك ءتىلدى بىلەتىن ماماندار از. مۇنىڭ ءوزى كوپتەگەن وتانداستارىمىزدىڭ ازاماتتىق جانە كونستيتۋسيالىق قۇقىقتارىن شەكتەۋ. جالپى ءار نارسەگە دە سۇرانىس قاجەتتىلىكتەن تۋىندايتىنى انىق. سوندىقتان بۇل باعىتتا ءبىرقاتار ناقتى ءىس-شارالار كەشەنىن بەلگىلەپ، ءىس جۇزىنە اسىرۋ كەزەك كۇتتىرمەيتىن ماسەلە. ەلدىڭ دە، ەلباسىنىڭ دا تالابى وسى. 

5.الاشتىڭ 100 جىلدىعىنا دۇرىستاپ دايىندالۋىمىز كەرەك. ءقازىر ەڭ باستىسى، جاقسى جوسپار قۇرۋىمىز قاجەت... الاش زيالىلارىنىڭ ارمانى، ونىڭ ورىندالعانى، تاۋەلسىز ەل بولعانىمىز، وسىنىڭ بارلىعى ۇلتتىق، تاريحي سانانى كوتەرەتىن جاقسى دۇنيە بولۋى كەرەك.
6. جەمقورلىق – كەز كەلگەن مەملەكەتتى تۇپ-تامىرىمەن قۇرتاتىن باستى فاك­تورلاردىڭ ءبىرى. ال ەگەر ول ەلدىڭ قور­عا­نى بولاتىن كۇش قۇرىلىمدارى مەن اسكەرگە جەتسە، ونىڭ زاردابى زور بولا­دى.

7. بالانىڭ ويلاۋ قابىلەتىن دامىتاتىن امبەباپ ادىستەمەلەردىڭ ءبىرى – ەسسە. ءبىزدىڭ جات­تاندى شىعارمالارىمىزعا قاراعاندا، ەسسە بالانى ءوز بەتىمەن ويلاۋعا ۇيرە­تەدى. ول بويىنشا بەرىلەتىن تاقىرىپتار سان الۋان ءارى وزەكتى بولىپ كەلەدى. بىزدە بولسا، شىعارمالاردىڭ تاقىرىبى سوڭ­عى 20 جىلدا بىردە-بىر رەت وزگەرمەگەن. ولار سوناۋ XX عاسىردىڭ 60-70 جىل­داردان بەرى كەلە جاتىر.
8. اتالارىمىز عاسىرلار بويى ارمانداپ وتكەن ەگەمەندىككە جەتتىك. وسى تاۋەلسىز ەلىمىزدىڭ دامۋىنا ۇلەس قوسىپ ءجۇر­گەنىمىزدىڭ – ءوزى باقىت. مەن وسى ەلدىڭ اماندىعىن، ەلىمىزدىڭ تىنىشتىعىن، بىرلىك-بەرەكەسىن قالايمىن. مەنىڭ ارمانىم وسى. مەنىڭ ارمانىم – نەمەرە­لەرىمنىڭ باقىتتى بولۋى. بۇل – ءاربىر ادامعا ءتان دۇنيە. ونى تۇسىنەرسىزدەر دەپ ويلايمىن. مەملەكەتتىك قىزمەت­كەر رەتىندە ەڭ ۇلكەن ارمانىم – ەلدىڭ وركەندەۋى!.
9. ەڭ وزەكتى ماسەلە – انا ءتىلى، قازاق ءتىلى جونىندە بولماق. وسى 25 جىل ىشىندە قازاق ءتىلىنىڭ قولدانۋ اياسىن كەڭەيتۋ ءۇشىن مەملەكەت ءبىرشاما ءىس اتقاردى دەپ ەسەپتەيمىن.  مۇندا ءبىر عانا ماسەلە بار، ءبىز 25 جىل بويى قازاق ءتىلى وزگەگە ەمەس، وزىمىزگە كەرەك ەكەنىن تۇسىنبەي كەلە جاتىرمىز.
10. ەلباسى وسى 25 جىل بويى جاستارمەن كەزدەسكەندە دە، باسقا دا ورتامەن كەزدەسكەندە دە، ءتىل ماسەلەسى كوتەرىلگەندە ەڭ الدىمەن «قازاق قازاقپەن قازاقشا سويلەسۋ كەرەك» دەپ ۇنەمى ايتىپ جۇرەدى.مىنە، ماسەلە ەلباسى وسى 25 جىل بويى جاستارمەن كەزدەسكەندە دە، باسقا دا ورتامەن كەزدەسكەندە ءتىل ماسەلەسى كوتەرىلگەندە ەڭ الدىمەن «قازاق قازاقپەن قازاقشا سويلەسۋ كەرەك» دەپ ۇنەمى ايتىپ جۇرەدى. ءتىل بار جەردە قازاق بار، ءتىل جوق جەردە قازاق جوق. ءبىتتى، باسقا فورمۋلا جوق، بۇل ماسەلەدە. ءبىز بىر-بىرىمىزبەن قازاقشا سويلەسسەك، ءبىز ءوز ءتىلىمىزدى ءوزىمىز قۇرمەتتەسەك، ءبىز وعان شىن مانىندە جاناشىرلىق بىلدىرسەك، قانا ءتىلدىڭ بولاشاعى بولادى.

 يمانعالي اتاقتى قارشىعا احمەدياروۆقا قاراسقان قايراتكەر

 "يمانعاليدىڭ قازاقتىڭ داۋلەسكەر كۇيشىسى قارشىعا احمەدياروۆقا جا­ساعان قامقورلىعىن حالىق ءالى كۇنگە دەيىن اڭىز عىپ ايتادى.

بۇل تۋرالى قارشەكەڭ دە بى­لايشا ەسكە العان كەزىندە: «بەيجىڭدەگى قورعانىس مينيسترلىگىنىڭ قاراما­عىن­داعى №301 اسكەري گوسپيتالعا جات­قىزدى. تەكسەرگەندە اناليزدەر بۇل جاقتاعىمەن سايكەس كەلدى. اپتاسىنا ەكى رەت گەمودياليز الامىن، وندا ءبارى كوم­پيۋتەرلەنگەن، جەڭىل وتەدى. ەندى بۇيرەك ىزدەۋگە كەلگەندە مەنىڭ بۇيرەگىم ءبىر­نە­شە ءجۇز ادامنىڭ بىرەۋىندە كەزدەسەتىن وتە سيرەك قۇرام بولىپ شىقپاسىن. «بۇل اۋرۋ ەمەس، تابيعي گەنەتيكالىق قۇرام. ىزدەپ جاتىرمىز، بىر-ەكى بۇيرەك كەز­دەستى. ءبىراق ونىڭ 85-90 پايىزى سايكەس. بىزگە 100 پايىز تۋرا كەلۋى كەرەك» دەيدى. ءبىر اي، ەكى اي كۇتتىم. دالاعا ۆيرۋس جۇقتىرىپ الاسىڭ دەپ جىبەرمەيدى. كۇندە ەرتەڭ ماعان بۇيرەك سالادى دەپ ەسەپتەپ كۇتىپ كورىڭىزشى. نە ۋاقىت وتپەيدى. سودان ءتورت اي بولدى. ءبىر كۇنى «ءبىز پەكين بويىنشا ىزدەگەنبىز (وندا 20 ميلليون ادام تۇرادى)، ەندى بۇكىل جۇڭگو بويىنشا قاراستىرىپ جا­تىر­مىز. تابىلماسا، بىر-ەكى، ءتىپتى ءۇش جىل كۇتۋگە تۋرا كەلەدى» دەگەنى. سونى ەستىپ ابدەن قينالايىن، ەڭسەم ءتۇسىپ جاتىپ قالدىم. قوي، ەندى ماعان اجال كەلگەن شىعار، ەلگە جەتەيىن، تۋعان جۇرتىم­نىڭ توپىراعىن ءبىر باسىپ، بالالا­رىم­نىڭ ماڭدايىنان يىسكەپ، جانىمدى قيايىن دەدىم. ءسويتىپ، ول كەزدە يمان­عالي اتىراۋ وبلىسىنىڭ اكىمى، سوعان تەلەفون سوقتىم. «ءۇش جىلعا دەيىن كۇ­تەسىڭ دەپ جاتىر. وسىنشاما ۋاقىت ماسىل بولىپ، ەلدىڭ اقشاسىنا قالاي وتىرامىن. سىزدەرگە راقمەت، ەلگە قايتا­مىن» دەدىم. «اعا، ءسىز تەك ءوزىڭىزدى عانا ويلايدى ەكەنسىز. بۇكىل ەل، حالىق كۇتىپ وتىر عوي. قالايدا ەلگە بۇيرەگىڭىزدى اۋىس­تىرىپ كەلەسىز دە، وعان ەل بوپ قۋانۋىمىز كەرەك. ال قالعان ماسەلەنى ءوزىمىز شەشەمىز، قينالماڭىز» دەپ يمانعالي دۇرسە قويا بەرسىن. بۇل ءسوز­دەر ماعان ۇلكەن دەمەۋ، رۋحاني كۇش بەردى». 

نۇرتورە ءجۇسىپ «ايقىن» گازەتى. 2015 جىل 8 جەلتوقسان

 «قامشى» پورتالى كوتەرگەن ماسەلەگە يمانعالي تاسماعامبەتوۆ قولداۋ كورسەتتى

قازاقتىڭ تۇڭعىش رەسپۋبليكاسى الاشوردانىڭ قۇرىلعانىنا 99 جىل تولعان كۇنىندە «قامشى» پورتالىندا «مەملەكەت قاراۋىنسىز قالعان ءىرى مەملەكەت قايراتكەرىنىڭ ءۇيى»  اتتى ماقالا جاريالانعان بولاتىن. وندا، الماتى قالاسىنداعى احمەت بايتۇرسىن ۇلىنىڭ ءوزى تۇرعان مۋزەي ءۇيى توڭىرەگىندەگى ماسەلە كوتەرىلگەن. مۋزەي ديرەكتورى رايحان ساحىبەك قىزى الاشتىڭ الىبى احمەت بايتۇرسىن ۇلىنىڭ مۋزەي ءۇيى ءالى كۇنگە مەملەكەت قامقورلىعىندا ەمەس ەكەنىن، ناسيحاتتادىڭ كەمشىل ءتۇسىپ جاتقانىن جەتكىزگەن.

احمەت بايتۇرسىن ۇلىنىڭ ۇرپاقتارى اۋپىرىمدەپ اشقالى بەرى 20 جىلعا جۋىق ۋاقىت حالىققا قىزمەت كورسەتىپ كەلە جاتقان مۋزەي ءۇيى تالاي رەت جابىلا جازداعان. مۋزەيدى «احمەتتىڭ قىزى شولپان اپامنىڭ اماناتى ەدى» دەپ كوزىنىڭ قاراشىعىنداي قورعايتىن رايحان يماحانبەت مۋزەيگە تەك الماتى اكىمى بولىپ تۇرعاندا يمانعالي تاسماعامبەتوۆ قامقور بولعانىن ايتقان ەدى.

«مۇراجاي ءۇيدىڭ جاڭارۋىنا ۇلەسىن قوسقان، ۇلكەن ازاماتتىق جاساعان يمانعالي تاسماعامبەتوۆ بولاتىن. ول باسقا اكىمدەر سياقتى «حات جازىڭىز رەسمي، قازىنادا اقشا قاراستىرىلماعان» دەپ قۇتىلعان جوق. 2005 جىلى مۋزەي جابىلادى، سۇرىلەدى دەپ جۇرگەندە كەلىپ، جاقسىلاپ ءبىر ارالاپ شىعىپ، دالادا تۇردى دا، «بۇنى ۇستاپ تۇرۋ ءۇشىن سىزگە نە كەرەك؟» دەپ سۇرادى. سوسىن ءبىر ۋاقىتتا تەلەفون شالدى. كوپ وتپەي جەتىپ كەلگەن قۇرىلىسشىلارعا «مىنا كىسى نە ايتادى، سونى ىستەڭدەر، ءوزىم باقىلايمىن» دەگەن ءبىر-اق اۋىز ءسوز ايتتى دا كەتتى. سول سوزىندە تۇردى، ول قۇرىلىسشىلار وسى ءۇيدى 8 اي بويى جوندەسە، يمانعالي ەكى-ۇش اپتادا ءبىر كەلىپ، تەكسەرىپ كەتىپ تۇردى»، - دەپ ەسكە العان بولاتىن مۋزەيدىڭ كوممۋنالدى تولەمىن كەلۋشىلەردەن تۇسكەن اقشامەن تولەپ جۇرگەن رايحان ساحىبەك قىزى.

«قامشى» پورتالىندا جاريالانعان ماقالا ەلەۋسىز قالعان جوق. بىرنەشە كۇننەن كەيىن «قامشى» تىلشىسىنە  پرەمەر ءمينيستردىڭ ورىنباسارى يمانعالي تاسماعامبەتوۆتىڭ كومەكشىسى حابارلاسىپ، يمانعالي نۇرعالي ۇلىنىڭ ءوزى ماقالانى وقىعانىن، كوپ وتپەي مۋزەيگە ارناۋلى ات باسىن بۇراتىنىن جەتكىزگەن بولاتىن.قاشاندا ىسكەرلىگىمەن، ۇلتشىلدىعىمەن، مەملەكەتشىلىگىمەن حالىق القاۋىنا بولەنىپ جۇرگەن يمانعالي نۇرعالي ۇلى بۇگىن، 27 قاڭتار كۇنى رەسمي تۇردە  مۋزەيگە كەلىپ، جاعدايمەن تانىستى.

2017 جىل 27 قاڭتار

يمانعالي ايتقان يماندى ءسوز

* بىردە الماتى اكىمى بولىپ جۇرگەن يمانعالي نۇرعاليۇلىنا «ءبىر عانا الما­تىدا ەكى بىردەي اۋەزوۆ كوشەسى بار، بۇل قالاي؟» دەپ جۋرناليستەر تاقىمداپ قويماپتى. ولاردىڭ بۇرىن قالا ىرگەسى بولعان كامەنكا جاقتاعى اۋەزوۆ كوشەسىن مەڭزەگەنىن اڭعارعان اكىم:
– سابىر ەتسەڭىزدەرشى، ەكى اۋەزوۆ كوشەسى بولسا، وندا تۇرعان نە بار؟ بىزدە دە ونسىز دا ەكى اۋەزوۆ بار ەمەس پە؟ – دەپتى اقىرىن عانا...

* * *
قارشىعا احمەدياروۆ قىتايدان بۇيرەگىن جاڭالاتىپ كەلگەننەن كەيىن، الماتى اكىمىنە كىرىپ: – ءاي، يمانعالي! مەن مىناۋ الماتىداعى ۇلكەن الاڭدا 20 000 دومبىراشىنىڭ باسىن قوسىپ، كونسەرت بەرگىم كەلەدى، – دەپتى. سوندا يمەكەڭ: – ويپىر-اي، قارشەكە! قىتايدىڭ ءبىر بۇيرەگىنىڭ كۇشى 20 مىڭ دوم­بىراشى دەگىزىپ تۇر... سونشا دومبىراشى بار ما بىزدە؟ ەكى بۇيرەگىڭىزدى اۋىس­تىرساڭىز، نە بولادى؟ – دەگەن ەكەن...

* * *
اكىمدەردىڭ كەزەكتى ەسەپ بەرۋىندە ءبىر ورىس كەمپىر ىرگەدەگى مەشىتتەن شىق­قان ازان داۋىسىنا نارازىلىق ءبىلدىرىپتى. «كۇنىگە 5 رەت ايقايلاپ مازامدى الادى» دەگەن الگى تۇرعىنعا يمەكەڭ:
– قاشان 6-رەت ازان شاقىرادى، ماعان سول كەزدە كەلىڭىز، ماسەلەنى شەشە­-
ءمىز، – دەپتى. ماسەلەنىڭ شەشىمىن جەدەل تاپقان اكىمگە كەمپىر قايتا-قايتا العىسىن ايتىپ، ىرزا بولىپ كەتىپتى...

 كۇلتەگىندى قازاقستانعا قايتارعان ازامات

*يمانعالي تاسماعامبەتوۆ 2000 جىلى كۇلتەگىن تاسىنىڭ كوشىرمەسىن  قازاقستانعا قايتارعان ازامات. وسى جانە وزگە دە جۇمىستارى ءۇشىن يمانعالي تاسماعامبەتوۆ يۋنەسكو-نىڭ «جىبەك جولى» اتتى مەدالىمەن ماراپاتتالعان. يۋنەسكو-نىڭ بۇل مەدالى ۇيىم اتىنان بەرىلەتىن جالعىز كۇمىس مەدال، قالعانى - قولا. 

*يمانعالي تاسماعامبەتوۆ اباي قۇنانباي، جامبىل جابايەۆ، مۇحتار اۋەزوۆ، قانىش ساتپايەۆ، عابيت مۇسىرەپوۆ جانە الكەي مارعۇلان سياقتى قازاق ءعىلىم-بىلىمى مەن ادەبيەتىندەگى نار تۇلعالاردىڭ 150، 100 جىلدىق مەرەيتويلارىن يۋنەسكو كولەمىندە تويلاۋعا اتسالىسقان قايراتكەر.

ءومىر جولى، مانسابى، قىزمەتى

يمانعالي تاسماعامبەتوۆ پرەزيدەنتى نۇرسۇلتان نازاربايەۆتىڭ ەڭ العاشقى كومەكشىلەرىنىڭ ءبىرى. ول 1993 جىلدان 1995 جىلدار ارالىعىندا پرەزيدەنت كومەكشىسى، كەيىننەن تاعى 1998-1999 جىلدارى پرەزيدەنتتىڭ ءبىرىنشى كومەكشىسى بولدى.  ءوزىنىڭ ساياسي مانسابىندا ءبىلىم جانە عىلىم ءمينيسترى، قورعانىس ءمينيسترى، پرەزيدەنت اكىمشىلىگىنىڭ جەتەكشىسى، مەملەكەتتىك حاتشى، ءۇش رەت اكىم جانە ءتورت  رەت ءارتۇرلى پرەمەر-مينيسترلەردىڭ ورىنباسارى، ءبىر رەت پرەمەر-مينيستر قىزمەتىن اتقاردى. سوڭعى مانسابى–قازاقستاننىڭ  رەسەيدەگى توتەنشە جانە وكىلەتتى ەلشىسى. 

وتباسى تۋرالى

يمانعالي تاسماعامبەتوۆتىڭ اكەسى – نۇرعالي تاسماعامبەتوۆ 1926 تۋىپ، 1997 جىلى قايتىس بولعان.

اناسى – ءدىلدا قوقانوۆا 1930 جىلى تۋعان. اپكەسى – نۇرسۇلۋ تاسماعامبەتوۆا – مەديسينا عىلىمدارىنىڭ دوكتورى. 

يمانعالي تاسماعامبەتوۆ ايەلى كلارا بەكقۇلوۆامەن باتىس قازاقستان مەملەكەتتىك ۋنيۆەرسيتەتىنىڭ ءبىرىنشى كۋرسىندا تانىسىپ، بەسىنشى كۋرسىندا وتباسى قۇرعان. ەكى قىز، ءبىر ۇلى بار. 

قىزى – اسەل تاسماعامبەتوۆا. ول – 1979 جىلى تۋعان. ماماندىعى– زاڭگەر. "ءسابي" اتتى قايىرىمدىلىق قورىنىڭ نەگىزىن قالاعان. ونىڭ كۇيەۋى – قازاقستاندا بەلگىلى كاسىپكەر كەڭەس راقىشيەۆ. تاسماعامبەتوۆتىڭ كىشى قىزى ونەر ادامى. اتى – سوفيا تاسماعامبەتوۆا، سۋرەتشى. اتاقتى پاۆەل دراگۋنوۆتىڭ شاكىرتى. ۇلى –نۇرسۇلتان تاسماعامبەتوۆ 1994 جىلى تۋعان. الايدا  نۇرسۇلتان تاسماعامبەتوۆ تۋرالى اقپارات از. تەك كاسىپكەر ەكەنى ايتىلادى.

 ينتەرنەت كوزدەرىنەن دايىنداعان بەرىك بەيسەن ۇلى