«حالىقتىڭ قۇقىقتىق ساۋاتىن دايەكتى تۇردە ارتتىرىپ، قوعام ساناسىنا ادامي قۇندىلىقتاردى سىڭىرگەن ءجون. ءاربىر ازامات ءوز ءسوزى مەن ارەكەتىنە زاڭ تۇرعىسىنان ەسەپ بەرۋى ءتيىس»، - ق ر پرەزيدەنتى قاسىم-جومارت توقايەۆ.

مەملەكەت باسشىسىنىڭ تاپسىرمالارىن ورىنداۋ اياسىندا ادىلەت مينيسترلىگى تۇراقتى نەگىزدە حالىقتىڭ قۇقىقتىق ساۋاتتىلىعىن ارتتىرۋ بويىنشا ءتۇسىندىرۋ جۇمىستارىن جۇرگىزۋدە.

ماسەلەن، 2024 جىلى «حالىق زاڭگەرى»، «ادىلەت كەڭەس بەرەدى»، «اشىق ەسىك كۇنى»، «تەگىن زاڭ كومەگى كۇندەرى» اكسيالارى ىسكە قوسىلدى. وتكەن جىلى رەسپۋبليكانىڭ بارلىق وڭىرلەرىندە جالپى سانى 100 000 مىڭنان استام ادامدى قامتيتىن 1 310 كونسۋلتاتيۆتىك-تۇسىندىرۋ ءىس-شارالارى وتكىزىلدى.

اۋىلدىق ەلدى مەكەندەر تۇرعىندارىنىڭ قۇقىقتىق ساۋاتتىلىعىن ارتتىرۋ ماقساتىندا 2000-عا جۋىق «قۇقىق كابينەتتەرى» اشىلدى، ولار اۋداندىق، اۋىلدىق كلۋبتاردىڭ عيماراتتارىندا، دەمالىس ورتالىقتارىندا جانە ت. ب. «Egov» بۇرىشتارىنىڭ بازاسىندا جۇمىس ىستەيدى. كابينەتتەردە قولدانىستاعى نورماتيۆتىك قۇقىقتىق اكتىلەرمەن تانىسۋ ءۇشىن «ادىلەت» اقج، «زاڭ» دب قولجەتىمدىلىگىمەن، سونداي-اق اقپاراتتىق جۇيەلەرگە (e-otinish، «اشىق نقا» پورتالى جانە ت.ب.) قولجەتىمدىلىگىمەن تولىق تەحنيكالىق جابدىقتالعان.

«ءاربىر سيفرلىق رەفورما، اسىرەسە، زاڭ كومەگىنە قول جەتكىزۋ شەكتەلگەن شالعاي ايماقتارداعى ادامدار ءۇشىن نەعۇرلىم قولجەتىمدى سوت تورەلىگىنە جاسالعان قادام.»، - ق ر پرەزيدەنتى قاسىم-جومارت توقايەۆ.

ەup.kz. سايتى ارقىلى ونلاين رەجيمىندە زاڭ قىزمەتتەرىن ۇسىنۋعا جانە الۋعا ارنالعان «E-ZanKomegi» زاڭ كومەگىنىڭ ءبىرىڭعاي اقپاراتتىق جۇيەسى ىسكە قوسىلدى، سونداي-اق، ازاماتتار وزدەرىن قىزىقتىراتىن قۇقىقتىق سۇراقتارعا بەينە قوڭىراۋ ارقىلى جاۋاپ الۋعا بولاتىن «Zan Komegi» ءموبيلدى قوسىمشاسى دا قولجەتىمدى. «Zan Komegi» جۇيەسىندە 2000 مىڭنان استام ادۆوكات پەن زاڭ كەڭەسشىلەرى ارقىلى 472 مىڭنان استام ازاماتبىلىكتى زاڭ كومەگىن الدى.

بۇدان باسقا، بەينەقوڭىراۋ ارقىلى ونلاين رەجيمدە مۇلىكتى باسقارۋعا قاتىستى سەنىمحاتتاردى قوسپاعاندا، سەنىمحاتتار مەن ەرلى-زايىپتىلاردىڭ كەلىسىمدەرىنىڭ بارلىق تۇرلەرىن بەرۋگە مۇمكىندىك بەرەتىن «ە-نوتاريات» ءبىرىڭعاي نوتارياتتىق اقپاراتتىق جۇيەسى جۇمىس ىستەيدى. بۇل قىزمەتتى 176 مىڭ ازامات پايدالاندى.

بۇدان بولەك، زاڭسىز ارەكەتتەردىڭ الدىن الۋ ماقساتىندا كليەنتتەردى بيومەتريالىق سايكەستەندىرۋ قولدانىلادى، وتىنىشتەرگە قول قويۋ كەزىندە QR-قول قويۋ سەرۆيسى قولدانىلىپ، قىزمەت ناتيجەلەرى 24/7 رەجيمىندە EgovMobile «سيفرلىق قۇجاتتار» سەرۆيسىندە قولجەتىمدى. وسىلايشا، وسى قىزمەت ارقىلى قازاقستان ازاماتتارى نوتاريۋسقا بارماي-اق 168 مىڭعا جۋىق سەنىمحات پەن ەرلى-زايىپتىلاردىڭ 67،5 مىڭ. كەلىسىمىن زاڭدى تۇردە رەسىمدەي الدى.

تاعى ءبىر ماڭىزدى جەتىستىك – «سوت ورىنداۋشىسى روبوتىن» ەنگىزۋ بولىپ تابىلادى. ماسەلەن، 20 اەك-كە دەيىنگى اكىمشىلىك ايىپپۇلدار ۋاقىتىلى تولەنبەگەن جاعدايدا ۋاكىلەتتى ورگان مالىمەتتەردى جەكە سوت ورىنداۋشىنىڭ قاتىسۋىنسىز ءىس جۇرگىزۋدى قوزعايتىن روبوت سوت ورىنداۋشىسىنا بەرەدى. ءىس قوزعالعاننان كەيىن ازاماتتار ءىس تۋرالى ەگجەي-تەگجەيلى اقپاراتى بار EGov Mobile-دا 1414-تەن SMS حابارلاما جانە push-حابارلاما الادى، سول ارقىلى ازاماتتار ايىپپۇل سوماسىنىڭ 25% قوسىمشا تولەۋدەن جانە سوت ورىنداۋشىسىنا بارۋدان بوساتىلادى، ويتكەنى بارلىق ارەكەتتەر ونلاين رەجيمىندە جۇرگىزىلەدى.

سيفرلىق سوت ورىنداۋشىسى ىسكە قوسىلعان ساتتەن باستاپ بۇگىنگى كۇنگە دەيىن 2،2 ملرد.تەڭگە سوماسىن قۇرايتىن 109 مىڭنان استام اتقارۋشىلىق ءىس قوزعالدى. ازاماتتاردىڭ پايداسىنا ۇنەمدەلگەن سوما550 ملن. تەڭگەنى قۇرادى.

2025 جىلى ادامداردىڭ ءومىرىن سيفرلىق داۋىردە جەڭىلدەتۋ جانە ىڭعايلى ەتۋ، سونداي-اق ۋاقىت پەن اقشانى ۇنەمدەۋ ءۇشىن ادىلەت ورگاندارىنىڭ جۇمىسىن جاقسارتۋ جوسپارلانۋدا. نەگىزگى وزگەرىستەر:

• 2025 جىلى 300 مىڭنان استام ازاماتتى قۇقىقتىق ساۋاتتىلىعىن وقىتۋ جوسپارلانۋدا؛
• جي – «ايتەكە» كومەكشىسى- قاراپايىم زاڭگەرلىك كەڭەستەر بەرۋگە جانە قۇجاتتاردى جيناۋعا كومەكتەسۋگە ارنالعان چات-بوت.
• روبوت-سوت ورىنداۋشىسىنىڭ قۇزىرەتى كەڭەيىپ، ول اينالىساتىن بەرەشەك مولشەرىنىڭ شەگى 20-دان 40 اەك-كە دەيىنارتادى، بۇل ازاماتتاردىڭ پايداسىنا جىلىنا 12،2 ملرد. تەڭگەگە دەيىن ۇنەمدەۋگە مۇمكىندىك بەرەدى.

بۇل قۇرالدار تاۋلىكتىڭ كەز كەلگەن ۋاقىتىندا پايدالانۋعا مۇمكىندىك بەرە وتىرىپ، قاراپايىمدىلىعىمەن، جەدەلدىگىمەن جانە قولجەتىمدىلىگىمەن ەرەكشەلەنەدى.

قابىلدانعان شارالار ازاماتتاردىڭ قۇقىقتىق ساۋاتتىلىعىن ارتتىرىپ، ءوز قۇقىقتارى مەن مىندەتتەرىن مەيلىنشە بىلۋگە ىقپال ەتەدى. قىزمەت كورسەتۋدى جەڭىلدەتۋ جۇمىسىنىڭ ناتيجەسىندە قازاقستاندىقتاردىڭ ۋاقىتى مەن قاراجاتى ۇنەمدەلەدى، اتالعان قىزمەتتەردى الۋدىڭ قولجەتىمدىلىگى مەن ىڭعايلىلىعى ارتىپ، سونداي-اق اكىمشىلىك كەدەرگىلەر جويىلادى، بۇل پروسەستى نەعۇرلىم اشىق جانە ءتيىمدى ەتەدى.