اقتوبە وبلىسىنىڭ اكىمى بەردىبەك ساپاربايەۆ ەركىن كۇرەس پالۋانى، 2018 جىلعى الەم چەمپيوناتىنىڭ كۇمىس جۇلدەگەرى نۇريسلام سانايەۆپەن كەزدەستى.
- ءبىز سەنىڭ بۋداپەشتتە وتكەن الەم چەمپيوناتىنداعى جەتىستىگىڭدى ماقتان تۇتامىز. بۇل ەلىمىز ءۇشىن تاريحي وقيعا. ەلباسى ساياساتىنىڭ ارقاسىندا حالىقتى دەنە شىنىقتىرۋمەن جانە سپورتپەن قامتۋ ارتىپ، سپورت نىساندارى قول جەتىمدى بولىپ كەلەدى. ءبىزدىڭ سپورتشىلاردىڭ جەتىستىكتەرى دە قازاقستاننىڭ جاس ۇرپاعىنا سالاۋاتتى ءومىر سالتىن تاڭداۋعا كۇشتى ىنتالاندىرۋ بولىپ تابىلادى، - دەدى سپورتشىعا دەنساۋلىق پەن سپورتتا جاڭا بيىكتەرگە جەتۋىن تىلەگەن بەردىبەك ساپاربايەۆ.
ءوڭىر باسشىسى سپورتشىعا وبلىستىق گرەك-ريم، ەركىن جانە ايەلدەر كۇرەسى فەدەراسياسىنىڭ اتىنان اقتوبە قالاسىنىڭ باتىس-2 تۇرعىن ءۇي الابىنان ەكى بولمەلى پاتەردىڭ سەرتيفيكاتىن تابىس ەتتى.
ءوز كەزەگىندە نۇريسلام سانايەۆ جىلى قابىلداعاندارى ءۇشىن العىسىن ءبىلدىرىپ، الداعى ۋاقىتتا بارلىق كۇش-جىگەرىن جوعارى ناتيجەلەرگە قول جەتكىزۋ ءۇشىن جۇمسايتىنىنا ۋادە بەردى.
بەلگىلى بولعانداي، وسى جىلعى قازان ايىنىڭ سوڭىندا بۋداپەشتتە ەركىن كۇرەستەن الەم چەمپيوناتى وتكەن بولاتىن. بىرىنشىلىكتىڭ قورىتىندىسى بويىنشا نۇريسلام سانايەۆ وليمپيادالىق سالماقتا الەم چەمپيوناتىنىڭ كۇمىس القاسىن جەڭىپ العان قازاقستاننان شىققان العاشقى ەركىن كۇرەس پالۋانى اتاندى. ايتا كەتەيىك، ن.سانايەۆ 2020 جىلى توكيودا وتەتىن XXXII جازعى وليمپيادا ويىندارىنا قاتىسۋعا نيەتتى. سول ءۇشىن ول 2019 جىلدىڭ قىركۇيەك ايىندا استانادا كۇرەس تۇرلەرىنەن وتەتىن الەم چەمپيوناتىندا جوعارى ناتيجەلەردى كورسەتۋى كەرەك.
