– «شاۆكات ميرزيويەۆ وزبەكستاننىڭ باسشىلىعىنا كەلگەننەن بەرى جاعداي مۇلدەم وزگەردى. ونداعى ەل حالقىنىڭ سانى 33 ميلليوندى قۇرادى. بۇل، ءبىزدىڭ ورتالىق ازياداعى ەڭ ءىرى مەملەكەت بولىپ سانالادى. وسى ەلمەن قارىم-قاتىناستى تەرەڭدەتۋ ءبىز ءۇشىن اسا قاجەت. كورشىمەن بايلانىستى نىعايتپاي قالاي ءومىر سۇرۋگە بولادى؟! ەكونوميكالىق تۇرعىدا پايدالى، الىسقا تاسىمالداۋدىڭ قاجەتى جوق. 1 ملرد اقش دوللارعا جەتپەي جۇرگەن ساۋدا-ساتتىعىمىز بيىل 3 ميلليارد بولادى.

بيىل ساۋدا كولەمى 42 پايىزعا ارتتى. ءبىز الداعى ۋاقىتتا مۇنى 5 ميلليارد اقش دوللارىنا جەتكىزۋ ماقساتىن قويىپ وتىرمىز.

قازاقستان مەن جۇڭگو اراسىندا «قورعاس» اتتى ۇلكەن كەشەن سالىنىپ جاتقانىن بىلەسىزدەر. سونداي كەشەن وزبەكستان مەن قازاقستان اراسىندا دا بولادى دەپ سانايمىن. ەكى جاقتان ءوندىرىس جاساپ، ول جەردە جاڭا قالا پايدا بولۋى مۇمكىن، - دەدى مەملەكەت باسشىسى ەلىمىزدىڭ ب ا ق وكىلدەرىمەن كەزدەسۋ بارىسىندا.