ق ر اقپارات جانە كوممۋنيكاسيالار ءمينيسترى داۋرەن ابايەۆقا جۋرناليستەر قازاقستانداعى ينتەرنەت ساپاسىنا قاتىستى، نە سەبەپتى كۇنىگە كەشكە ينتەرنەتكە كىرۋ قولجەتىمسىز بولاتىنى جايىندا سۇراق قويدى. مينيستر، ءوز كەزەگىندە، «مەن ينتەرنەتكە كىرگەندە ەشقانداي ماسەلە تۋىندامايدى» - دەپ جاۋاپ بەرىپتى، دەپ جازادى Qamshy.kz اقپارات اگەنتتىگى Vlast.kz سايتىنا سىلتەمە جاساپ.
«ينتەرنەت ۇنەمى ىستەمەي قالادى دەگەن - جالعان اقپارات. بىلۋىمشە، اندا-ساندا تەحنيكالىق كەلەڭسىزدىكتەر تۋىنداپ جاتادى. بۇل ماسەلە توڭىرەگىندە بىرنەشە رەت پىكىر ايتقان بولاتىنبىز، ءبىزدىڭ تاراپىمىزدان ەشقانداي دا تەحنيكالىق قاتەلىكتەر جىبەرىلمەيدى»، - دەيدى مينيستر.
ونىڭ ايتۋىنشا، مينيسترلىك جەكە وڭىرلەردە، قالالاردا، ءار وپەراتوردا بايلانىس ساپاسىن باقىلاپ وتىرادى.
«ءاربىر جاعدايعا نازار اۋدارىپ، ماسەلەنى شەشۋ كەرەك، سىزدەر نە سەبەپتى ينتەرنەتكە شىعۋ ءۇشىن ءىر قۇرىلعىلارىڭىزدى اۋىستىراسىزدار؟ ينتەرنەت جوق پا؟ كۇنىگە ىستەمەي قالا بەرە ما؟ مەن بۇمەن كەلىسپەيمىن، يا، ارا-تۇرا تەحنيكالىق ماسەلەلەردەن كەلەڭسىزدىكتەر تۋىنداپ قالاتىن شىعار، ءبىراق كۇنىگە ينتەرنەتتە ماسەلە بولمايدى.
ءبىز قازاقستاندا ينتەرنەت پەن ينتەرنەت-رەسۋرستاردىڭ قىزمەتىنە قانداي دا ءبىر تەحنيكالىق كەدەرگىلەر جاسامايمىز»، - دەپ ايتىپ ءوتتى مينيستر ابايەۆ.
تىلشىلەر «ءوزىڭىز ينتەرنەتكە كەشكى ۋاقىتتا كىرەسىز بە؟» دەگەن سۇراعىنا داۋرەن ابايەۆ بىلاي دەپ جاۋاپ بەردى:
«كۇنىگە كەشكە كىرەمىن دەپ ايتپايمىن، كەيدە كىرەمىن، ناقتى ءبىر گرافيگىم جوق. الايدا مەن ينتەرنەتكە كىرگەندە ەشقانداي دا ماسەلە بولمادى».
مينيستر بۇل ماسەلە جونىندە بايلانىس وپەراتورلارىنا جۇگىنۋگە كەڭەس بەردى.
پىكىر قالدىرۋ