اقتوبەلىك ستۋدەنتتى توبەلەس كەزىندە پىشاقتاپ كەتكەن دەپ جازادى Qamshy.kz اقپارات اگەنتتىگى. 

"بىر-بىرىمەن تۇسىنىسە الماعان جاسوسپىرىمدەر زيرات باسىندا ماسەلەنى شەشپەك بولادى. كەيىن جاعداي شەكتەن شىعىپ، جاسوسپىرىمدەر ستۋدەنتتى پىشاقتاعان. ول اۋىر جاراقات الىپ، ءومىر بويى مۇگەدەك بولىپ قالۋى مۇمكىن"، — دەلىنگەن حابارلامادا. 

جاسوسپىرىمدەردىڭ توبەلەس كەزىندە پىشاق قولدانۋى ءبىرىنشى رەت ەمەس ەكەن. بۇعان دەيىن دە وسىعان ۇقساس جاعداي بولعان.

1 كۋرس ستۋدەنتى ءوزى وقىعان مەكتەپكە قان جوسا بولىپ جەتكەن. بىردەن جەدەل جاردەم شاقىرۋعا قورىققان. اۋىر جاراقاتتانعان ءجاسوسپىرىمنىڭ اكەسى بالاسىن اۋرۋحاناعا تاكسيمەن جەتكىزگەنىن ايتتى. اكەسىنىڭ سوزىنە قاراعاندا، ۇلى توبەلەسكە دەيىن ۇيدە بولعان.

"ۇلىم توبەلەس بولاتىن جەرگە شاقىرعان سوڭ بارعان، سول كەزدە ونى تەپكىلەپ، پىشاقتاپ كەتكەن. پىشاق ءبىر سانتيمەتر جۇرەككە جەتپەي قالعان. ايتپەسە ۇلىمنان ايىرىلىپ قالار ما ەدىم؟ الگى جىگىتتەر ماعان "ۇلىڭىز ولگەن جوق قوي، نەگە داۋ شىعارىپ وتىرسىز؟"، - دەيدى. سوندا نە ۇلىم ءولۋى كەرەك پە ەدى؟"، دەيدى نۇرلان تەنەلوۆ. 

ال دارىگەرلەر بولسا بالانىڭ امان قالۋىنىڭ ءوزىن عاجايىپقا بالاپ وتىر. سەبەبى ءجاسوسپىرىم كوپ قان جوعالتقان. 

رەسمي دەرەكتەرگە سەنسەك، توبەلەسكە 4 مەكتەپتەن 40 ءجاسوسپىرىم قاتىسقان. ءقازىر پوليسيا قىزمەتكەرلەرى توبەلەسكە نە سەبەپ بولعانىن انىقتاپ جاتىر. 

"بۇعان ءبىزدىڭ مەكتەپتىڭ وقۋشىسى كىنالى ەمەس. بۇل مۇمكىن ەمەس جاعداي. بارلىق بالالار قاشقان كەزدە، ول دا بىرگە قاشىپ كەتكەن. ونىڭ قولىندا پىشاق بولماعان"، - دەيدى № 22 مەكتەپ ديرەكتورىنىڭ ورىنباسارى نازگۇل ساردايەۆا. 

ءبىلىم باسقارماسىنىڭ قىزمەتكەرلەرى ءالى كۇنگە دەيىن توبەلەسكە نە سەبەپ بولعانى انىقتالماعانىن ايتتى. 

دەنساۋلىققا زيان كەلتىرۋ جانە ۇساق-تۇيەك بۇزاقىلىق ءىسى بويىنشا سوتقا دەيىنگى تەرەۋ ءىسى ءجۇرىپ جاتىر.